ಶ್ರೀ ಬಲ್ಲಾಳೇಶ್ವರ್ ಅಷ್ಟವಿನಾಯಕ ದೇವಾಲಯವು ಕ್ರಿ.ಶ 1760 ರಲ್ಲಿ ನಿರ್ಮಾಣಗೊಂಡಿದೆ. ಸುಮಾರು 250 ವರ್ಷಗಳ ಹಿಂದೆ ನಿರ್ಮಾಣಗೊಂಡ ಈ ದೇವಾಲಯವನ್ನು ಬಲ್ಲಾಳೇಶ್ವರ್ ಎಂಬ ಬ್ರಾಹ್ಮಣ ಭಕ್ತನಿಗಾಗಿ ಸಮರ್ಪಿಸಲಾಗಿದೆ. ದುರ್ಶೆಟ್ ಎಂಬುದು ಒಂದು ಕುತೂಹಲಕಾರಿಯಾದ ಸ್ಥಳವಾಗಿದ್ದು, ಇಲ್ಲಿ ಅಷ್ಟವಿನಾಯಕನ ದೇವಾಲಯವನ್ನು ಭಕ್ತನ ಸಲುವಾಗಿ ಶ್ರೀ ಬಲ್ಲಾಳೇಶ್ವರ್ ದೇವಾಲಯವೆಂದು ಕರೆಯಲಾಗುತ್ತಿದೆ.
ಈ ದೇವಾಲಯವು ಎರಡು ಕೆರೆಗಳನ್ನು ಹೊಂದಿದೆ. ಇಡಿ ದೇವಾಲಯವನ್ನು ದೊಡ್ಡ ದೇವಾಲಯ ಮತ್ತು ಸಣ್ಣ ದೇವಾಲಯಗಳೆಂದು ಎರಡು ಭಾಗವಾಗಿ ವಿಭಾಗಿಸಲಾಗಿದೆ. ಅಲ್ಲದೆ ಗಣಪತಿಯ ವಾಹನವಾದ ಮೂಷಿಕವು ಕೈಯಲ್ಲಿ ಮೋದಕವನ್ನು ಹಿಡಿದು ಗಣಪತಿಯೆಡೆಗೆ ಬಾಗಿದೆ. ಇಡೀ ದೇವಾಲಯವನ್ನು ಸುಂದರವಾದ ಸ್ಥಂಬಗಳಿಂದ ನಿರ್ಮಾಣ ಮಾಡಲಾಗಿದೆ.
ಈ ವಿಗ್ರಹಕ್ಕೆ ಬ್ರಾಹ್ಮಣನಂತೆ ವಸ್ತ್ರವನ್ನು ಉಡಿಸಲಾಗುತ್ತದೆ. ಇದು ಕಲ್ಲಿನ ಆಸನದ ಮೇಲೆ ಕೂರಿಸಲ್ಪಟ್ಟಿದ್ದು, ಕಣ್ಣಿನ ಮತ್ತು ಸೊಂಟದ ಭಾಗದಲ್ಲಿ ವಜ್ರಗಳನ್ನು ಒಳಗೊಂಡಿದೆ.