ಶಂತನ್ ಡೆಹ್ರಾ, ವಾಸುಕಿ ನಾಗ್ ಎಂಬ ಆದಿವಾಸಿಯ ಸಹೋದರರಲ್ಲೊಬ್ಬರಾದ ಶಂತನ್ ನಾಗ್ ಎಂಬುವವರಿಗೆ ಮೀಸಲಾಗಿರುವ ಪುರಾತನ ದೇವಾಲಯ. ಭಾರತದ ಅತ್ಯಂತ ಪುರಾತನ ಆದಿವಾಸಿ ಜನಾಂಗದ ಎರಡನೇ ಮುಖಂಡನಾದ ವಾಸುಕಿಯ ಸಹೋದರನೇ ಶಂತನ್ ನಾಗ್. ಚಿಕ್ಕ ಪರ್ವತ ಪ್ರದೇಶದಲ್ಲಿರುವ ಈ ದೇವಾಲಯವು ತನ್ನ ಸುತ್ತಲೂ ಸುಗಂಧಭರಿತ ಮರಗಳನ್ನು ಹೊಂದಿದೆ. ಪುರಾತನ ಶಿವಲಿಂಗಗಳನ್ನೊಳಗೊಂಡ ಈ ದೇವಾಲಯದಲ್ಲಿ, ಇತ್ತೀಚೆಗೆ ಸೂರ್ಯ ದೇವನ ಪುರಾತನ ವಿಗ್ರಹವೊಂದು ಪತ್ತೆಯಾಗಿದೆ.

ಶಂತನ್ ನಾಗ್, ಶಕ್ತಿಯುತ ದೇವರೆಂದು ಪರಿಗಣಿಸಲ್ಪಟ್ಟಿದ್ದು, ಭಕ್ತರನ್ನು ಆಶೀರ್ವದಿಸಿಯೂ, ತಪ್ಪು ಮಾಡಿದಾಗ ಶಿಕ್ಷಿಸುತ್ತಾರೆ ಎಂಬುದು ನಂಬಿಕೆ. ಪ್ರತಿವರ್ಷ ಹೆರಾಯ್ ಜೇಟರ್ ಸಮಯದಲ್ಲಿ ಅಂದರೆ ಜುಲೈ/ ಆಗಸ್ಟ್‌ನಲ್ಲಿ ಧಾರ್ಮಿಕ ಕಾರ್ಯಕ್ರಮವೊಂದನ್ನು ಇಲ್ಲಿ ಏರ್ಪಡಿಸಲಾಗುತ್ತದೆ. ಭವಿಷ್ಯ ನುಡಿಯುವ ಧಾರ್ಮಿಕ ಮುಖಂಡರು, ಅರ್ಚಕರು ಪೂಜಾ ಕೈಂಕರ್ಯಗಳು ಸೆರವೆರಿಸುತ್ತಾರೆ. ಸ್ಥಳೀಯರ ಪ್ರಕಾರ, ಇಲ್ಲಿವರೆಗಿನ ನುಡಿದ ಯಾವ ಭವಿಷ್ಯವೂ ಸುಳ್ಳಾಗಿದ್ದೇ ಇಲ್ಲ ಎಂಬುದು ನಂಬಿಕೆ.