Click it and Unblock the Notifications
ಮ್ಯಾಕ್ ಲಿಯಾಡೋ ಗಂಜ್ ನಿಂದ 1 ಕಿಮೀ ದೂರದಲ್ಲಿ ಪ್ರದರ್ಶನ ಕಲಾ ಟಿಬೆಟಿಯನ್ ಸಂಸ್ಥೆ (Tibetan Institute of Performing Arts) ವಿಶೇಷ ಪ್ರವಾಸಿ ಆಕರ್ಷಣೀಯ ಸ್ಥಳವಾಗಿದೆ. ಇಲ್ಲಿ ವಿವಿಧ ಸಂಗೀತ ಕಾರ್ಯಕ್ರಮ, ನೃತ್ಯ, ಮತ್ತು ಟಿಬೆಟ್ ನ ಸಾಂಪ್ರದಾಯಿಕ ನಾಟಕೀಯ ಪ್ರದರ್ಶನಗಳನ್ನು ತೋರಿಸಲಾಗುತ್ತದೆ. ಇದರ ಜೊತೆಗೆ, ಸಂಸ್ಥೆಯು ವೇಷಭೂಷಣಗಳು, ಮುಖವಾಡಗಳು, ಮತ್ತು ಸಂಗೀತ ವಾದ್ಯಗಳ ತಯಾರಿಕೆಯ ತನ್ನ ಸ್ವಂತ ಕಾರ್ಯಾಗಾರಗಳನ್ನೂ ಹೊಂದಿದೆ. ಈ ಸಂಸ್ಥೆಯು ಆಧುನಿಕ ರಂಗಭೂಮಿ ತಂಡವನ್ನು ಹೊಂದಿದ್ದು ಆಧುನಿಕ ನಾಟಕಗಳನ್ನು ನಿರ್ವಹಿಸುತ್ತದೆ. ಏಪ್ರಿಲ್ ಎರಡನೇ ಶನಿವಾರದಂದು ಆರಂಭಗೊಂಡು ವಾರ್ಷಿಕ 10 ದಿನಗಳವರೆಗೆ ಜಾನಪದ ಒಪೆರಾವನ್ನು ಇಲ್ಲಿ ಆಯೋಜಿಸಲಾಗುತ್ತದೆ. ವಿವಿಧ ಜಾನಪದ ಒಪೆರಾ, ನೃತ್ಯ ಪ್ರದರ್ಶನ, ನಾಟಕಗಳು ಮತ್ತು ಸಂಗೀತ ಕಚೇರಿಗಳನ್ನು ಈ ಸಂದರ್ಭದಲ್ಲಿ ನಡೆಸಲಾಗುತ್ತದೆ. ಇದಕ್ಕೆ ಹತ್ತಿರದಲ್ಲಿರುವ ಬುದ್ಧ ದೇವಾಲಯವೂ ಕೂಡ ಭೇಟಿ ಅಪೇಕ್ಷಣೀಯವಾದ ಆಕರ್ಷಣೆಯಾಗಿದೆ.
