ಟಿಬೆಟ್ ವಸ್ತು ಸಂಗ್ರಹಾಲಯವು, ಧರ್ಮಶಾಲಾದ ಅತ್ಯಂತ ಗಮನಾರ್ಹ ಪ್ರವಾಸಿ ತಾಣವಾಗಿದೆ. ಇದು ಮ್ಯಾಕ್ ಲಿಯೋಡ್ ಗಂಜ್ ನಲ್ಲಿನ ಸುಗ್ಲಾಕಾಂಗ್ (Tsuglagkhang) ಸಂಕೀರ್ಣದಲ್ಲಿದೆ. ಧರ್ಮಶಾಲಾದ ದೊಡ್ಡ ಪ್ರದೇಶದಲ್ಲಿ ಹರಡಿರುವ ಅಗ್ರಗಣ್ಯ ಆಧುನಿಕ ವಸ್ತುಸಂಗ್ರಹಾಲಯವಾಗಿದೆ. ಈ ವಸ್ತು ಸಂಗ್ರಹಾಲಯದಲ್ಲಿ ಸಭೆಗಳು, ಪ್ರದರ್ಶನಗಳು, ಮತ್ತು ಪ್ರದರ್ಶನಾ ಮೇಳಗಳಿಗೆ ಪ್ರತ್ಯೇಕ ಕೋಣೆಗಳನ್ನು ವ್ಯವಸ್ಥೆ ಮಾಡಲಾಗಿದೆ. ಅದರ ವಾಸ್ತುಶಿಲ್ಪ ಶೈಲಿಯಲ್ಲಿ ಮೂಲ ಟಿಬೆಟಿಯನ್ ಮತ್ತು ಆಧುನಿಕ ವಿನ್ಯಾಸಗಳ ಸಮ್ಮಿಳನವನ್ನು ತೋರಿಸಲಾಗಿದೆ. ಇಲ್ಲಿಗೆ ಭೇಟಿ ನೀಡಿದ ಪ್ರವಾಸಿಗರಿಗೆ ಐತಿಹಾಸಿಕ ದಾಖಲೆಗಳು, ಹಸ್ತಪ್ರತಿಗಳು, ಥಂಗಾ ವರ್ಣಚಿತ್ರಗಳು, ಕುಂಬಾರಿಕೆ ಮತ್ತು ಇತರೆ ಅನೇಕ ಕರಕುಶಲ ಟಿಬೆಟಿಯನ್ ಸಂಸ್ಕೃತಿಯೂ ಸೇರಿರುವ ಹಲವಾರು ವಿಷಯಗಳನ್ನು ನೋಡಲು ಅವಕಾಶವನ್ನು ನೀಡಲಾಗುತ್ತದೆ. ಸಮೃದ್ಧ ಹಸಿರು ಹುಲ್ಲುಹಾಸುಗಳಿಂದ ಆವೃತವಾಗಿರುವ ವಸ್ತು ಸಂಗ್ರಹಾಲಯವು ವಿವಿಧ ವರ್ಣಚಿತ್ರಗಳು, ಕಲಾಕೃತಿಗಳು ಮತ್ತು ಕರಕುಶಲ ವಸ್ತುಗಳ ಮಾರಾಟದ ಮಳಿಗೆಗಳನ್ನು ಹೊಂದಿದೆ. ಪ್ರವಾಸಿಗರು ಮ್ಯಾಕ್ ಲಿಯೋಡ್ ಗಂಜ್ ನಿಂದ 5 ಕೀ.ಮಿ ದೂರದಲ್ಲಿರುವ ಈ ವಸ್ತು ಸಂಗ್ರಹಾಲಯಕ್ಕೆ ಟ್ಯಾಕ್ಸಿಗಳ ಮೂಲಕ ಸುಲಭವಾಗಿ ತಲುಪಬಹುದು.