Click it and Unblock the Notifications
ದರಿಬಾ ಕಾಲನ್ ದೆಹಲಿಯಲ್ಲಿರುವ ಜನಪ್ರಿಯ ಮಾರ್ಕೆಟ್. ಅಮೂಲ್ಯ ಹರಳುಗಳು, ಚಿನ್ನ ಮತ್ತು ಬೆಳ್ಳಿ ಆಭರಣಗಳು ಇಲ್ಲಿ ಸುಪ್ರಸಿದ್ಧ. ಸದ್ಯ ಇಲ್ಲಿನ ಬೆಳ್ಳಿ ಆಭರಣಗಳು ಮತ್ತು ಪ್ರಸಾದನ ಸಾಮಗ್ರಿಗಳು ಜನಪ್ರಿಯವಾಗಿದೆ. ಹಾಗಾಗಿ ಈ ಬೀದಿಯನ್ನು ಆಭರಣಕಾರರ ರಸ್ತೆ ಎಂದೇ ಕರೆಯುತ್ತಾರೆ. ಆಭರಣಗಳನ್ನು ಮಾರುವ ಅಂಗಡಿಗಳ ಹೊರತಾಗಿ ಇಲ್ಲಿ ಅತ್ತರು (ಸುಗಂಧ ದ್ರವ್ಯ)ಗಳನ್ನೂ ಮಾರುವ ಅಂಗಡಿಗಳಿವೆ.
ದರಿಬಾ ಕಲನ್ ಎಂದರೆ ಹೋಲಿಸಲಾಗದ ಹರಳುಗಳ ರಸ್ತೆ ಎಂದರ್ಥ. ಇದು ಚಾಂದನಿ ಚೌಕ್ನಲ್ಲಿದೆ. ಈ ಮಾರುಕಟ್ಟೆ ಹೆಚ್ಚು ಜನಪ್ರಿಯವಾಗಿದ್ದು ರಾಜ ಶಾಹ್ಜಹಾನನ ಆಡಳಿತದ ಕಾಲದಲ್ಲಿ.
ಈ ರಸ್ತೆಯ ಹೊರತಾಗಿ ಇಲ್ಲಿ ಇನ್ನೂ ಕೆಲವು ಶಾಪಿಂಗ್ ತಾಣಗಳಿವೆ. ಅವುಗಳಲ್ಲಿ ತುಂಬಾ ಮುಖ್ಯವಾದವುಗಳೆಂದರೆ ಸರೋಜಿನಿ ನಗರ, ಖಾರಿ ಬವೋಲಿ, ಪ್ರಗತಿ ಮೈದಾನ, ಲಜ್ಪತ್ ನಗರ ಮತ್ತು ಖಾನ್ ಮಾರುಕಟ್ಟೆ.
ಈ ಬೀದಿಯ ಸಮೀಪದಲ್ಲಿರುವ ಇತರ ಆಕರ್ಷಣೆಗಳೆಂದರೆ ಇಂಡಿಯಾ ಗೇಟ್, ಕೆಂಪು ಕೋಟೆ, ಜಾಮಾ ಮಸೀದಿ ಮತ್ತು ಜಂತರ್ ಮಂತರ್.
