ಶಿರೋಲಿ ಶಿಖರವು ದಾಂಡೇಲಿಯಿಂದ 25 ಕಿ.ಮೀ. ದೂರದಲ್ಲಿದೆ. ಸಹ್ಯಾದ್ರಿ ಬೆಟ್ಟಗಳ ಸಾಲನ್ನು ಶಿರೋಳಿ ಶಿಖರದ ತುದಿಯಲ್ಲಿ ನೋಡಬಹುದು. ಉತ್ತರ ಕನ್ನಡ ಜಿಲ್ಲೆಯಲ್ಲೇ ಅತೀ ಹೆಚ್ಚಿನ ಎತ್ತರ ಪ್ರದೇಶವೆಂದು ಶಿರೋಲಿ ಶಿಖರ ಹೆಸರಾಗಿದೆ. ಚಾರಣಿಗರಿಗೆ ಮನಮೆಚ್ಚುವ ತಾಣವಾಗಿದೆ. ಈ ಶಿಖರದಿಂದ ಕಣ್ಮನ ಸೆಳೆಯುವ ಸೂರ್ಯಾಸ್ತದ ದೃಶ್ಯ ನೋಡಬಹುದು. ಅಲ್ಲದೇ ದಾಂಡೇಲಿ ದಂಡಕಾರಣ್ಯ,ಪಶ್ಚಿಮ ಘಟ್ಟಗಳ ಸಾಲ್ಲಿನಲ್ಲಿ ಬಳಕುವಂತೆ ಹರಿಯುವ ಕಾಳಿ ನದಿಯ ಸೌಂದರ್ಯವನ್ನು ಪ್ರವಾಸಿಗರು ನೋಡಬಹುದು. ಈ ಸಂರಕ್ಷಿತ ಅರಣ್ಯ ಪ್ರದೇಶಕ್ಕೆ ಅರಣ್ಯ ಇಲಾಖೆಯ ಅನುಮತಿ ಇಲ್ಲದೇ ಪ್ರವೇಶಿಸುವಂತಿಲ್ಲ.