ಸುಖ್ನಾ ಅಭಯಾರಣ್ಯವು ಸುಖ್ನಾ ಸರೋವರದ ಈಶಾನ್ಯ ಭಾಗದಲ್ಲಿದ್ದು, ಚಂದೀಗಢ್ ನ ವಿಸ್ತಾರವಾದ ರಕ್ಷಿತಾರಣ್ಯವಾಗಿದೆ. ಸುಖ್ನಾ ಸರೋವರದ ನೀರುಕಟ್ಟಿನ ಒಂದು ಭಾಗದಲ್ಲಿ ಈ ಪ್ರದೇಶವನ್ನು ಲಿ ಕೊರ್ಬಸೈಯರ್ 1958ರಲ್ಲಿ ನಿರ್ಮಿಸಿದರು. ಆದರೆ 1998ರಲ್ಲಿ ಇದನ್ನು ವನ್ಯಜೀವಿಗಳ ಅಭಯಾರಣ್ಯವೆಂದು ಘೋಷಿಸಲಾಯಿತು.
ಶಿವಾಲಿಕ್ ನ ತಪ್ಪಲಿನಲ್ಲಿ ಸುಮಾರು 2600 ಹೆಕ್ಟೇರ್ ಪ್ರದೇಶದಲ್ಲಿ ವ್ಯಾಪಿಸಿರುವ ಸುಖ್ನಾ ವನ್ಯಜೀವಿ ಅಭಯಾರಣ್ಯದಲ್ಲಿ ಹಲವಾರು ವಿಧದ ಸಸ್ತನಿಗಳು, ಕೀಟಗಳು ಮತ್ತು ಸರೀಸೃಪಗಳಿವೆ. ಈ ಅಭಯಾರಣ್ಯವು ದೇಶದಲ್ಲೇ ಅತ್ಯಧಿಕ ಸರಾಸರಿ ದೊಡ್ಡ ಜಿಂಕೆ ತಳಿಯನ್ನು ಹೊಂದಿರುವ ಖ್ಯಾತಿಯನ್ನು ಪಡೆದಿದೆ.
ಇಷ್ಟು ಮಾತ್ರವಲ್ಲದೆ ಡಿಸೆಂಬರ್ ನಿಂದ ಫೆಬ್ರವರಿ ತಿಂಗಳ ತನಕ ಇಲ್ಲಿಗೆ ವಲಸೆ ಬರುವ ಪಕ್ಷಿಗಳನ್ನು ಹೊರತುಪಡಿಸಿ ಈ ಅಭಯಾರಣ್ಯದಲ್ಲಿ 150 ಬಗೆಯ ಪಕ್ಷಿಗಳಿವೆ. ವಿಲಕ್ಷಣವಾದ ಸಸ್ಯರಾಶಿ ಸೇರಿದಂತೆ ಪೊದೆಗಳು, ಮೂಲಿಕೆಗಳು, ಹುಲ್ಲುಗಳು, ಆರೋಹಿಗಳು ಮತ್ತು ನಿತ್ಯಹರಿದ್ವರ್ಣದ ಮರಗಳು ಈ ಅಭಯಾರಣ್ಯದಲ್ಲಿ ವನ್ಯಜೀವಿಗಳಿಗೆ ವಾಸಸ್ಥಾನವಾಗಿದೆ.