ಐಹೊಳೆಗೆ ಭೇಟಿ ಕೊಡುವ ಪ್ರವಾಸಿಗರು ಸಮಯವಿದ್ದಲ್ಲಿ ಬಡಿಗೇರ ಗುಡಿಗೊಮ್ಮೆ ಭೇಟಿ ನೀಡುವುದು ಒಳಿತು. ಈ ಗುಡಿಯಲ್ಲಿ  ನಡುಮನೆ , ಮುಖಮಂಟಪ  ಹಾಗೆಯೇ ಸಣ್ಣ ಗರ್ಭಗುಡಿಯೂ ಇದ್ದು  ರೇಖಾನಗರ ಗೋಪುರವನ್ನು ಒಳಗೊಂಡಿದೆ.ನಾಲ್ಕು  ನಡುಗಂಬಗಳು  ,ಹನ್ನೆರಡು ಸ್ತಂಬಗಳು ಹಾಗು ಇಲ್ಲಿ ಮೊದಲಿದ್ದ ಸಭಾಂಗಣಕ್ಕೆ ಆಶ್ರಯ ನೀಡಲು ಮುಖಮಂಟಪವನ್ನು ಹೊಂದಿದೆ . ದೇವಾಲಯದ ಗರ್ಭಗೃಹವನ್ನು ನಡುವಿನಲ್ಲಿ ಹಾಗೂ ಸಭಾಂಗಣದ ಹಿಂಬಾಗದಲ್ಲಿ  ಕಾಣಬಹುದಿತ್ತು. 11ನೇ ಮತ್ತು 12ನೇ ಶತಮಾನಗಳಲ್ಲಿ  ಬಡಿಗೆರ ಗುಡಿ  ಅನೇಕ ಬದಲಾವಣೆಗಳನ್ನು ಹೊಂದಿತು ಪಿಧಾ – ಶೈಲಿಯ ಗೋಪುರ ಸ್ಥಾಪನೆ ಮತ್ತು  ಮೂಲ ದೇವಾಲಯದ  ನೈಋತ್ಯ ಭಾಗದಲ್ಲಿ ಪೂಜಾಸ್ಥಳಗಳ ನಿರ್ಮಾಣ ಪ್ರಮುಖವಾದವು.