ಬರೋಲಿ ಎಂಬ ಸುಂದರವಾದ ಸ್ಥಳವು ಕೋಟಾದಿಂದ ಅಂದಾಜು 45 ಕಿ.ಮೀ ದೂರದಲ್ಲಿದೆ. ಇದು ಈ ಸ್ಥಳದಿಂದ ರಾಣಾ ಪ್ರತಾಪ್ ಸಾಗರದ ಕಡೆ ಸಾಗುವ ಹಾದಿಯಲ್ಲಿ ಬರುತ್ತದೆ. ಬರೋಲಿಯು ತನ್ನ ಶಾಂತವಾದ ಮತ್ತು ಮುದನೀಡುವಂತಹ ವಾತಾವರಣದಿಂದ ದೇಶದೆಲ್ಲೆಡೆಯಿಂದ ಪ್ರವಾಸಿಗರನ್ನು ಅಧಿಕ ಸಂಖ್ಯೆಯಲ್ಲಿ ತನ್ನತ್ತ ಸೆಳೆಯುತ್ತಿದೆ. ಈ ಸ್ಥಳವು ಹಳೆಯದಾದ ಮತ್ತು ಸುಂದರವಾದ ಘಟೇಶ್ವರ ದೇವಾಲಯಕ್ಕೆ ಖ್ಯಾತಿ ಪಡೆದಿದೆ. ಈ ದೇವಾಲಯವನ್ನು ಇತಿಹಾಸದ ಕೆಟ್ಟ ಘಳಿಗೆಗಳಲ್ಲೂ ಕೂಡ ಉತ್ತಮವಾಗಿ ನಿರ್ವಹಿಸಲಾಗಿತ್ತು. ಆದಾಗಿಯು ಇಲ್ಲಿನ ಕೆಲವು ವಿಗ್ರಹಗಳು ಭಾಗಶಃ ಹಾನಿಗೊಳಗಾಗಿವೆ. ಇಲ್ಲಿನ ಮಂಟಪದ ದ್ವಾರದಲ್ಲಿ ಪರಶಿವ ಅಥವಾ ನಟರಾಜನ ವಿಗ್ರಹವನ್ನು ಪ್ರತಿಷ್ಟಾಪಿಸಲಾಗಿದೆ. ಈ ದೇವಾಲಯದ ಕಂಬಗಳಲ್ಲಿ ರಾಜಸ್ಥಾನಿ ಶಿಲ್ಪಕಲೆಯು ಸ್ಪಷ್ಟವಾಗಿ ಎದ್ದು ಕಾಣುತ್ತದೆ.