ಕೋಟಾ ಬ್ಯಾರೇಜ್ ಎಂಬುದು ಇಂದಿನ ಯುಗದ ಇಂಜಿನಿಯರಿಂಗ್ ಕೌಶಲ್ಯವನ್ನು ಸಮರ್ಥವಾಗಿ ಪ್ರತಿನಿಧಿಸುವ ಒಂದು ಅದ್ಭುತವಾದ ಬ್ಯಾರೇಜ್ ಆಗಿದ್ದು, ಹಲವಾರು ನಗರಗಳ ವಿವಿಧ ಉದ್ದೇಶಗಳನ್ನು ಪೂರೈಸುತ್ತಿದೆ. ಇದು ರಾಜಸ್ಥಾನ ಮತ್ತು ಮಧ್ಯ ಪ್ರದೇಶದ ರೈತರ ನೀರಾವರಿ ಬೇಡಿಕೆಯ ಪ್ರಮುಖ ಮೂಲವಾಗಿದೆ. ಇದರೊಂದಿಗೆ ಈ ಬ್ಯಾರೇಜ್ ವಿದ್ಯುಚ್ಛಕ್ತಿ ಉತ್ಪಾದನೆಯಲ್ಲಿ ತನ್ನದೆ ಆದ ಕೊಡುಗೆಯನ್ನು ನೀಡುವಲ್ಲಿ ಖ್ಯಾತಿ ಪಡೆದಿದೆ. ಈ ಜಲಾಶಯವು 1960ರಲ್ಲಿ ಅನುಷ್ಟಾನಕ್ಕೆ ತಂದ ಚಂಬಲ್ ಕಣಿವೆ ಯೋಜನೆಯ ಅಡಿಯಲ್ಲಿ ನಿರ್ಮಾಣಗೊಂಡ ನಾಲ್ಕನೇ ಜಲಾಶಯವಾಗಿದೆ. ಇದರ ಒಟ್ಟು ಸಂಗ್ರಹಣಾ ಸಾಮರ್ಥ್ಯ 99 mm³ ಆಗಿದ್ದು, 27.332 ಚ.ಕಿ.ಮೀ ವ್ಯಾಪಿಸಿದೆ.