ರಿಷಿಕೊಂಡ ಬೀಚ್ ವಿಶಾಖಪಟ್ಟಣದಲ್ಲೇ ಅತ್ಯಂತ ಸುಂದರವಾದ ಬೀಚ್ ಎಂದು ಪರಿಗಣಿಸಲಾಗಿದೆ. ವಿಶಾಲವಾದ ಸ್ವರ್ಣ-ವರ್ಣದ ಮರಳು ಮತ್ತು ನಿರಂತರ ಅಲೆಗಳಿಂದಾಗಿ ಇದು ಪ್ರವಾಸಿಗರಿಂದ ಮೆಚ್ಚುಗೆ ಪಡೆದಿದೆ. ಈ ಬೀಚ್ ನಲ್ಲಿ ವಾಟರ್ ಸ್ಕೀಯಿಂಗ್ ಮತ್ತು ವಿಂಡಸರ್ಫಿಂಗ್ ನಂತಹ ವಿವಿಧ ರೀತಿಯ ಜಲ ಕ್ರೀಡೆಗಳು ಲಭ್ಯವಿವೆ. ಈಜಲು ಕೂಡ ಈ ಬೀಚ್ ಸುರಕ್ಷಿತವಾಗಿದೆ. ಬೀಚ್ ಸುತ್ತಮುತ್ತಲಿನ ಪ್ರದೇಶವು ಅನೇಕ ಸಸ್ಯ ಮತ್ತು ಪ್ರಾಣಿಗಳಿಂದ ತುಂಬಿದ್ದು ಕೇವಲ ಸಾಂದರ್ಭಿಕ ಪ್ರವಾಸಿಗರಷ್ಟೇ ಅಲ್ಲದೇ ಕಟ್ಟಾ ನಿಸರ್ಗ ಪ್ರೇಮಿಗಳನ್ನೂ ಆಕರ್ಷಿಸುವಂತಿದೆ.
ವಿಶಾಖಪಟ್ಟಣದಲ್ಲಿ ಪ್ರವಾಸೋದ್ಯಮವನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಿಂದ ಆಂಧ್ರ ಪ್ರದೇಶ ಪ್ರವಾಸೋದ್ಯಮ ಇಲಾಖೆಯು ರಿಷಿಕೊಂಡ ಬೀಚ್ ನ ಇಕ್ಕೆಲಗಳಲ್ಲಿ ಕುಟೀರಗಳು, ರೆಸ್ಟೋರೆಂಟ್ ಗಳು ಮತ್ತು ಬಾರ್ ಗಳನ್ನು ನಿರ್ಮಿಸಿದೆ.