ಯರಡಾ ಬೀಚ್ ವಿಶಾಖಪಟ್ಟಣಕ್ಕೆ ಅತ್ಯಂತ ಹತ್ತಿರದಲ್ಲಿರುವುದರಿಂದ ಪ್ರವಾಸಿಗರು ಮತ್ತು ಸ್ಥಳೀಯರಿಬ್ಬರಿಗೂ ಜನಪ್ರಿಯ ವಾರಾಂತ್ಯ ರಜೆಯ ತಾಣವಾಗಿದೆ. ಈ ಕಡಲ ತೀರ ತನ್ನ ಮೂರು ಭಾಗಗಳಲ್ಲಿ ಸಮೃದ್ಧ ಹಸಿರಿನಿಂದ ತುಂಬಿದ ಬೆಟ್ಟಗಳಿಂದಲೂ ಮತ್ತು ನಾಲ್ಕನೇ ಭಾಗವು ಬಂಗಾಳಕೊಲ್ಲಿಯಿಂದಲೂ ಸುತ್ತುವರೆದಿದ್ದು ನೋಡಲು ಅತ್ಯದ್ಭುತವಾಗಿ ಕಾಣುತ್ತದೆ. ಹಸಿರು ರಾಶಿಯ ನಡುವೆ ಮೃದುವಾದ ಸ್ವರ್ಣವರ್ಣದ ಮರಳಿನ ಮೇಲೆ ಈ ಬೀಚ್ ಹರಡಿಕೊಂಡಿದೆ. ಇಲ್ಲಿನ ವಿಶಾಲ ಕರಾವಳಿಯು ಮನಮೋಹಕವಾದ ನೋಟವನ್ನು ನೋಡುಗರಿಗೆ ಒದಗಿಸುತ್ತದೆ. ಇದು ಪ್ರಸನ್ನತೆ ಮತ್ತು ಶಾಂತತೆಯಿಂದ ತುಂಬಿದ್ದು ಅತ್ಯಂತ ಸ್ವಚ್ಛ ಮತ್ತು ಉತ್ತಮವಾಗಿ ನಿರ್ವಹಿಸಲ್ಪಟ್ಟಿದೆ.