ಭೀಮುನಿಪಟ್ಟಣಂ ಬೀಚ್ ಗಿರುವ ಜನಪ್ರಿಯ ಹೆಸರು ಭೀಮಿಲಿ ಬೀಚ್. ಈ ಕಡಲ ತೀರಕ್ಕೆ ಪಾಂಡವ ರಾಜಕುಮಾರರಲ್ಲೋಬ್ಬನಾದ ಭೀಮನ ಹೆಸರನ್ನಿಡಲಾಗಿದೆ ಎಂದು ಹೇಳಲಾಗುತ್ತದೆ. ಗೊಸ್ಥನಿ ನದಿಯು ಬಂಗಾಳ ಕೊಲ್ಲಿಯನ್ನು ಸಂಧಿಸುವ ಸ್ಥಳದಲ್ಲಿ ಸ್ಥಾಪಿತವಾದ ಈ ಬೀಚ್, ಭೀಮಿಲಿ-ವಿಶಾಖಪಟ್ಟಣಂ ರಸ್ತೆಯುದ್ದಕ್ಕೂ ಚಾಚಿಕೊಂಡಿದೆ. ಭೀಮಿಲಿ ಬೀಚ್ ಶಾಂತವಾಗಿದ್ದು ಈಜಲು ಸುರಕ್ಷಿತವಾಗಿದೆ.
ಇಲ್ಲಿರುವ ನರಸಿಂಹಸ್ವಾಮಿ ಕೊಂಡ ಎಂತಲೂ ಕರೆಯಲ್ಪಡುವ ಪವುರಲ ಕೊಂಡವೆಂಬ ಸಣ್ಣ ಗುಡ್ಡದಲ್ಲಿ 2 ನೇ ಶತಮಾನದಷ್ಟು ಹಿಂದಿನ ಬೌದ್ಧ ಸಂಸ್ಕೃತಿಯ ಸಾಕ್ಷ್ಯಗಳು ದೊರೆತಿವೆ. ಹಾಗೆಯೇ 17 ನೇ ಶತಮಾನದಲ್ಲಿ ನಿರ್ಮಿಸಲಾಗಿದ್ದ ಕೋಟೆಯ ಅವಶೇಷಗಳು ಹಾಗೂ ಅಂದಿನ ಸ್ಮಶಾನವು ಪ್ರಮುಖ ಪ್ರವಾಸಿ ಆಕರ್ಷಣಾ ಸ್ಥಳಗಳಾಗಿ ಮಾರ್ಪಟ್ಟಿವೆ. ಈ ಪ್ರದೇಶವು ವಸಾಹತು ಕಾಲದಲ್ಲಿ ಒಂದು ಡಚ್ ವಸಾಹತುವಾಗಿತ್ತು.
ಇಂದು ಸುತ್ತಮುತ್ತಲಿನ ಪ್ರದೇಶದಲ್ಲಿ ಹಲವಾರು ಮೀನುಗಾರಿಕೆಯನ್ನಾಧರಿಸಿದ ಹಳ್ಳಿಗಳಿವೆ. ಹಲವಾರು ದೇವದಾರು ಮರಗಳು ಮತ್ತು ಸಣ್ಣ ದೇವಾಲಯಗಳು ಬೀಚ್ ಗೆ ಸಮೀಪದಲ್ಲೇ ಇವೆ. ಭೀಮಿಲಿ ಬೀಚ್ ಪ್ರವಾಸಿಗರಿಗೆ ಶಾಂತವಾದ , ಪ್ರಶಾಂತ ಮತ್ತು ವಿಶ್ರಾಂತಿದಾಯಕ ಪರಿಸರವನ್ನು ಒದಗಿಸುತ್ತದೆ.