ಭೀಮಕಾಲಿ ದೇವಾಲಯವು ಹಿಮಾಚಲ ಪ್ರದೇಶದ ಸರಹನ್ ನಲ್ಲಿರುವ ಹಿಂದೂಗಳ ಅವಿಭಾಜ್ಯ ಯಾತ್ರಾಸ್ಥಳವಾಗಿದೆ. ದೇವಿ ಭೀಮಕಾಲಿಗೆ ಮೀಸಲಾದ ಈ ದೇವಸ್ಥಾನವು 800 ವರ್ಷಗಳ ಹಿಂದೆ ನಿರ್ಮಿಸಲಾಗಿದೆ ಎಂದು ನಂಬಲಾಗಿದೆ. ಇದು ಹಿಂದೂ ಮತ್ತು ಬೌದ್ಧ ವಾಸ್ತುಶಿಲ್ಪಿಯ ಶೈಲಿಗಳ ಮಿಶ್ರಣವಾಗಿದ್ದು ತನ್ನ ಅನನ್ಯ ವಿನ್ಯಾಸಕ್ಕಾಗಿ ಪ್ರಸಿದ್ಧಿಯನ್ನು ಗಳಿಸಿದೆ.
ಈ ಹಳೆಯ ದೇವಾಲಯದಲ್ಲಿ ಈಗ ಸಾಂಪ್ರದಾಯಿಕ 'ಆರತಿ' ಸಮಯದಲ್ಲಿ ಅಂದರೆ ಬೆಳಿಗ್ಗೆ ಅಥವಾ ಸಂಜೆಯ ಆರಂಭದ ಅವಧಿಯನ್ನು ಹೊರತುಪಡಿಸಿ ಉಳಿದ ಸಮಯ ಸಾರ್ವಜನಿಕ ವೀಕ್ಷಣೆಗೆ ಅವಕಾಶ ನೀಡಲಾಗುತ್ತಿಲ್ಲ. ಇನ್ನೊಂದು ನೂತನ ದೇವಾಲಯವನ್ನು 1943 ರಲ್ಲಿ ಈ ದೇವಾಲಯದ ಆವರಣದ ಒಳಗೆ ನಿರ್ಮಿಸಲಾಯಿತು. ಈ ದೇವಾಲಯದಲ್ಲಿ ದೇವತೆ ಭೀಮಕಾಲಿಯ ಪ್ರತಿಮೆ ಪ್ರತಿಷ್ಠಾಪನೆ ಮಾಡಲಾಗಿದೆ. ರಘುನಾಥ್ ಮತ್ತು ಭೈರೋನ್ ನ ನರಸಿಂಹ ದೇವಾಲಯ ಇಲ್ಲಿನ ದೇವಾಲಯದ ಸಂಕೀರ್ಣದಲ್ಲಿ ಕಂಡುಬರುವ ಎರಡು ಪ್ರಮುಖ ದೇವಾಲಯಗಳಾಗಿವೆ.
ಭೀಮಕಾಲಿ ದೇವಾಲಯವನ್ನು ಪ್ರಮುಖ 'ಶಕ್ತಿಪೀಠ' ಅಥವಾ ಭಾರತದಲ್ಲಿನ 'ಪವಿತ್ರ ತಾಣ' ಎಂದು ನಂಬಲಾಗಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ಸ್ಥಳದಲ್ಲೇ ವೈವಾಹಿಕ ಸುಖ ಮತ್ತು ದೀರ್ಘಾಯುಷ್ಯಗಳ ಅಧಿದೇವತೆಯಾದ ಹಾಗು ಶಿವನ ಅರ್ಧಾಂಗಿಣಿಯಾದ 'ಸತಿ' ಯ ಎಡ ಕಿವಿ ಬಿದ್ದಿತ್ತೆನ್ನಲಾಗಿದೆ. ಇನ್ನೊಂದು ದಂತಕಥೆಯ ಪ್ರಕಾರ, ಭೀಮಕಾಲಿ ದೇವಿಯು ಮಹಾನ್ ಹಿಂದೂ ಋಷಿಯಾಗಿದ್ದ ಬ್ರಹ್ಮಗಿರಿಯ ದಂಡದಲ್ಲಿ ದರುಶನವಿತ್ತಳೆಂದುಹೇಳಲಾಗುತ್ತದೆ. ಇಲ್ಲಿ, ಜನಪ್ರಿಯ ಹಿಂದೂ ಹಬ್ಬವಾದ ದಸರಾವನ್ನು ಆಡಂಬರ ಮತ್ತು ಸಂಭ್ರಮದಿಂದ ಪ್ರತಿ ವರ್ಷ ಆಚರಿಸಲಾಗುತ್ತದೆ.