ಸರಹನ್ ಪ್ರದೇಶವನ್ನು ಅನ್ವೇಷಿಸುವ ಆಸಕ್ತಿ ಹೊಂದಿರುವ ಪ್ರಯಾಣಿಕರು ಬಸ್ಸುಗಳ ಮೂಲಕ ಈ ತಾಣಕ್ಕೆ ಭೇಟಿ ನೀಡಬಹುದು. ಸರಹನ್ ಗೆ ನಿಯಮಿತವಾಗಿ ಬಸ್ ಸೇವೆಗಳು ದೆಹಲಿ ಮತ್ತು ಶಿಮ್ಲಾದಿಂದ ಲಭ್ಯವಿದೆ. ಪ್ರತಿ ವ್ಯಕ್ತಿಗೆ 700 ರೂಪಾಯಿ ಶುಲ್ಕ ಹೊಂದಿರುವ ಐಷಾರಾಮಿ ಎಸಿ ವೋಲ್ವೋ ಬಸ್ ಗಳು ಸಹ ದೆಹಲಿಯಿಂದ ಸರಹನ್ ಗೆ ಲಭ್ಯವಿದೆ. ಎಸಿ ಬಸ್ಸುಗಳು ಶಿಮ್ಲಾ ಮತ್ತು ಸರಹನ್ ನಡುವೆ ಸಂಚರಿಸುತ್ತವೆ. ಈ ಬಸ್ ಗಳಿಗೆ ಪ್ರತಿ ವ್ಯಕ್ತಿಗೆ ರೂಪಾಯಿ 275 ವರೆಗೆ ಶುಲ್ಕ ಭರಿಸಬೇಕಾಗುತ್ತದೆ. ಹಿಮಾಚಲ ಪ್ರದೇಶ ರಸ್ತೆ ಸಾರಿಗೆ ಸಂಸ್ಥೆ (HRTC) ಬಸ್, ನೆರೆಯ ನಗರಗಳಿಂದ ಸರಹನ್ ಗೆ ಲಭ್ಯವಿದೆ. ಪ್ರವಾಸಿಗರು ಶಿಮ್ಲಾ, ಚಂಡೀಘಢ, ಮತ್ತು ದೆಹಲಿಯಿಂದ ಟ್ಯಾಕ್ಸಿಗಳು ಮತ್ತು ಕಾರುಗಳ ಮೂಲಕ ಈ ಗಮ್ಯಸ್ಥಾನವನ್ನು ತಲುಪಲು ಸಾಧ್ಯ.