ಶಿವಪುರಿ ಸಣ್ಣ ಗ್ರಾಮವಾಗಿದ್ದು, ರಿಷಿಕೇಶದಿಂದ 16 ಕಿಲೋ ಮೀಟರ್ ದೂರದಲ್ಲಿದೆ. ಇಲ್ಲಿನ ಬಹುತೇಕ ಮಂದಿರಗಳಲ್ಲಿ ಶಿವನಿಗೆ ಪೂಜೆ ಸಲ್ಲಿಸುವುದರಿಂದ ಇದಕ್ಕೆ ಶಿವಪುರಿ ಎಂಬ ಹೆಸರು ಬಂದಿದೆ. ಗಂಗಾ ನದಿಯ ದಡದ ಮೇಲೆ ನೆಲೆಸಿರುವ ಈ ಪಟ್ಟಣವು ರಿವರ್ ರಾಫ್ಟಿಂಗ್ ಗೆ ಹೇಳಿ ಮಾಡಿಸಿದ ತಾಣವಾಗಿದೆ. ಹಲವಾರು ಬೀಚ್ (ದಡ) ಕ್ಯಾಂಪ್ ಗಳು ಇಲ್ಲಿದ್ದು, ಸಾಹಸ ಪ್ರಿಯರು ಇಲ್ಲಿಂದ ರಿಷಿಕೇಶವರೆಗೆ ರಾಫ್ಟಿಂಗ್ ಮಾಡುತ್ತ ಥ್ರಿಲ್ ಅನುಭವಿಸಬಹುದು. ಪ್ರಶಾಂತವಾದ ವಾತಾವರಣವೂ ಇಲ್ಲಿನ ಮತ್ತೊಂದು ಆಕರ್ಷಣೆ.