Click it and Unblock the Notifications
ಕೆನ್ ಘಡಿಯಾಲ್ ಪ್ರಾಣಿಧಾಮ ಒಂದು ಅತಿ ಮುಖ್ಯ ಪ್ರಾಣಿಧಾಮವಾಗಿದ್ದು, ಇದನ್ನು ಭಾರತೀಯ ಘಡಿಯಾಲ್ (ಹಿಂದಿಯಲ್ಲಿ ಘಡಿಯಾಲ್ ಎಂದರೆ ಲಂಬವಾದ ಮುಖವುಳ್ಳ ಮೊಸಳೆ)ಳನ್ನು ರಕ್ಷಿಸುವ ಮೂಲ ಉದ್ದೇಶದಿಂದ ಕಟ್ಟಲಾಗಿದೆ. ಯಾಕೆಂದರೆ ಪ್ರಸ್ತುತ ಈ ಮೊಸಳೆಗಳ ಸಂತತಿ ಅತಿ ಬೇಗವಾಗಿ ಅಪಾಯಕ್ಕೊಳಪಟ್ಟಿರುವುದರಿಂದ ಇದನ್ನು ಸ್ಥಾಪಿಸಲಾಗಿದೆ. ಇದು ಪನ್ನಾ ನಗರಕ್ಕೆ ಸಮೀಪದಲ್ಲಿದೆ. ಈ ಪ್ರಾಣಿಧಾಮವು ಸುತ್ತಮುತ್ತ ದಟ್ಟ ಅರಣ್ಯದಿಂದ ಆವೃತವಾಗಿದ್ದು, ಇದರ ಸುತ್ತ 45 ಕಿಲೋಮೀಟರ್ ಉದ್ದದ ಕೆನ್ ನದಿ ಹರಿಯುತ್ತದೆ. ಪ್ರಮುಖವಾಗಿ ಹೇಳುವುದಾದರೆ, ಈ ಪ್ರಾಣಿಧಾಮವು ಖುದ್ದರ್ ಮತ್ತು ಕೆನ್ ಎರಡು ನದಿಗಳ ಸಂಗಮ.
ಈ ಪ್ರಾಣಿಧಾಮವು 1985ರಲ್ಲಿ ಸಾರ್ವಜನಿಕ ಪ್ರವೇಶಕ್ಕೆ ಮುಕ್ತವಾಯಿತು. ಇಲ್ಲಿ ಎಂಟು ಮೀಟರ್ ಉದ್ದಕ್ಕೆ ಬೆಳೆಯುವ ಮೊಸಳೆಗಳ ಹೊರತಾಗಿ ಇತರೆ ಅನೇಕ ಸರೀಸೃಪಗಳನ್ನೂ ಕಾಣಬಹುದಾಗಿದೆ. ಮರಳಿನ ನದಿ ತಟದಲ್ಲಿ ಚಿಂಕಾರ, ಚಿತಾಲ್, ಕಾಡುಹಂದಿ, ನವಿಲು, ಕಾಡೆಮ್ಮೆಗಳನ್ನೂ ಕಾಣಬಹುದು. ಪ್ರವಾಸಿಗರು ತಮ್ಮ ಮಕ್ಕಳ ಜೊತೆ ಈ ಪ್ರಾಣಿಧಾಮಕ್ಕೆ ಭೇಟಿ ನೀಡಲೇ ಬೇಕಾದ ಸ್ಥಳ ಇದಾಗಿದ್ದು, ಯಾಕೆಂದರೆ ಈ ಪ್ರಾಣಿಧಾಮದ ಭೇಟಿ ಮೂಲಕ ಮಕ್ಕಳು ಕಲಿಯುವ ಮತ್ತು ಮನೋರಂಜಿಸುವ ಸಾಕಷ್ಟು ಅವಕಾಶಗಳಿರುತ್ತದೆ. ಸೂರ್ಯೋದಯದಿಂದ ಸೂರ್ಯಾಸ್ತದವರೆಗೆ ಎಲ್ಲಾ ದಿನಗಳಲ್ಲಿ ಪ್ರವಾಸಿಗರಿಗೆ ಇದು ತೆರೆದಿರುತ್ತದೆ.
