Click it and Unblock the Notifications
ಜಾರ್ಖಂಡಿನ ಏಕಮಾತ್ರ ಹುಲಿ ಅಭಯಾರಣ್ಯವಿದು. ಇದು ಭಾರತದ 9 ಹುಲಿ ಅಭಯಾರಣ್ಯಗಳಲ್ಲಿ ಒಂದು. ಇದು ಸುಮಾರು 1,014 ಚದುರ ಕಿಮೀಗಳಷ್ಟಿದೆ. ಇದರಲ್ಲಿ ಮುಖ್ಯ ಭೂಪ್ರದೇಶ 414 ಚದುರ ಕಿಮೀಗಳಷ್ಟು. ಉಳಿದ 600 ಚದರ ಕಿಮೀ ಬಫರ್ ಪ್ರದೇಶ.
ಈ ಪ್ರದೇಶದಲ್ಲಿ ರಮಣದಾಗ್, ಲಾಟೋ ಮತ್ತು ಕುಜುರಂ ಎಂಬ ಕಾಡು ಹಳ್ಳಿಗಳಿವೆ. ಈ ಪ್ರದೇಶದಲ್ಲಿ 1973ರಲ್ಲಿ ಹುಲಿ ಅಭಯಾರಣ್ಯವನ್ನು ಸ್ಥಾಪಿಸಲಾಯಿತು. ಇಲ್ಲಿ 2012ರಲ್ಲಿ ಕೇವಲ ಒಂದು ಗಂಡು ಹುಲಿ ಮತ್ತು 5 ಹೆಣ್ಣು ಹುಲಿಗಳಿದ್ದವು.
ಈ ಪ್ರದೇಶವನ್ನು ಭಾರತೀಯ 1947ರ ಅರಣ್ಯ ಕಾಯ್ದೆಯಡಿಯಲ್ಲಿ ಹುಲಿ ಅಭಯಾರಣ್ಯ ಎಂದು ಘೋಷಿಸಲಾಯಿತು. ಇಲ್ಲಿ ಹುಲಿಗಳಲ್ಲದೆ ಆನೆಗಳು, ಚಿರತೆ, ಗೌರ್, ಸಾಂಬಾರ್ ಮತ್ತು ಕಾಡುನಾಯಿಗಳನ್ನು ಕೂಡ ಕಾಣಬಹುದು.
ಈ ಅರಣ್ಯದಲ್ಲಿ ಸುಂದರ ಜಲಪಾತಗಳು, ಬೆಟ್ಟದ ಇಳಿಜಾರುಗಳು, ಹುಲ್ಲುಗಾವಲು ಇತ್ಯಾದಿಗಳಿವೆ. ಸಾಹಸಿ ಯಾತ್ರಿಕನಿಗೆ ಅನ್ವೇಷಿಸಲು ಇಲ್ಲಿ ಬೇಕಾದಷ್ಟಿದೆ.ಮುರ್ಹು, ಹುಲುಕ್, ಗುಲ್ಗುಲ್ ಮತ್ತು ನೆತಾರ್ಹತ್ ಇಲ್ಲಿನ ಕೆಲವು ಪ್ರಮುಖ ಬೆಟ್ಟಗಳು.
