Click it and Unblock the Notifications
ಅಪ್ಸರಾ ಜಲಪಾತ ಸಣ್ಣ ಜಲಪಾತ ಮತ್ತು ಕೆಳಗೆ ಒಂದು ಸಣ್ಣ ಕೊಳವನ್ನು ಹೊಂದಿರುವ ಸುಂದರ ಸ್ಥಳ. ಇದನ್ನು ಗಂಧರ್ವ ಕೊಳ ಎಂದೂ ಕೂಡ ಕರೆಯಲಾಗುತ್ತದೆ. ಇದು ನೈಸರ್ಗಿಕ ಸ್ನಾನ, ಈಜುವಿಕೆಗೆ ಸೂಕ್ತ ಸ್ಥಳ. ಈ ಕೊಳ ಹೆಚ್ಚು ಆಳವಿಲ್ಲ, ಆದ್ದರಿಂದ ಕುಟುಂಬ ಸಮೇತ ಮಕ್ಕಳ ಜೊತೆ ಆಡಲು, ಸಮಯ ಕಳೆಯಲು ಈ ಸ್ಥಳ ಸೂಕ್ತವಾಗಿದೆ. ಈ ಕೊಳ ಪಾಂಡವ ಗುಹೆಯ ಹತ್ತಿರದಲ್ಲೆ ಇದೆ.
ಇದರ ಹಿಂದಿನ ಕಥೆ ಕೂಡ ಸುಂದರವಾಗಿದೆ. ಬ್ರಿಟಿಷ್ ಆಳ್ವಿಕೆ ಕಾಲದಲ್ಲಿ ಅವರ ಹೆಂಡತಿಯರು ಇಲ್ಲಿ ಸ್ನಾನ ಮಾಡಲು ಬರುತ್ತಿದ್ದರು. ಈ ದೃಶ್ಯವನ್ನು ಮರೆಯಿಂದ ನೋಡುತ್ತಿದ್ದ ಸ್ಥಳೀಯರು ಅವರ ಸುಂದರ ಮೈಕಾಂತಿಯನ್ನು ನೋಡಿ, ಮೂಕವಿಸ್ಮಿತರಾಗಿ ಅವರನ್ನು ದೇವಕನ್ಯೆಯರೆಂದೇ ಹೇಳುತ್ತಿದ್ದರು. ಆದ್ದರಿಂದ ಇದು ಗಂಧರ್ವ ಕೊಳ ಎಂಬ ಹೆಸರು ಪಡೆಯಿತು. ಪಚಮಡಿಗೆ ಹೋದವರು ಇಲ್ಲಿ ಭೇಟಿ ನೀಡಲೇಬೇಕು. ಇಲ್ಲಿ ಸ್ನಾನ ಮಾಡುವುದೇ ಒಂದು ಆಹ್ಲಾದಕರ ಅನುಭವ.
