Click it and Unblock the Notifications
ಪ್ರಸಿದ್ಧ ಕೃಷ್ಣ ಜನ್ಮಭೂಮಿ ಮಂದಿರ ಅಥವಾ ಕೃಷ್ಣ ಜನ್ಮಸ್ಥಾನ ಭಾರತದಲ್ಲಿನ ಹಿಂದೂಗಳ ಹಲವಾರು ಪೂಜಾ ಸ್ಥಳಗಳಲ್ಲಿ ಬಹುಮುಖ್ಯವಾದದ್ದು. ಮಂದಿರದ ಸಂಕೀರ್ಣದಲ್ಲಿ ಒಂದು ಸಣ್ಣ ಸೆರೆಮನೆಯಂತಹ ಕಟ್ಟಡವು ಇದೆ. ಇದೇ ಸ್ಥಳದಲ್ಲಿ ಶ್ರೀಕೃಷ್ಣನು ಜನ್ಮ ತಾಳಿದ್ದು ಎಂಬ ನಂಬಿಕೆ ಇದೆ. ಈ ಮಂದಿರವನ್ನು ಆರ್ಚಾದ ರಾಜಾ ವೀರ ಸಿಂಗ್ ಬಂಡೇಲನು ಜಹಾಂಗಿರ್ ಕಾಲದಲ್ಲಿ ಕಟ್ಟಿಸಿದ್ದು ಎಂಬ ಪ್ರತೀತಿ ಇದೆ.
ಇನ್ನೂ ಹಿಂದಕ್ಕೆ ತಿರುಗಿ ನೋಡಿದರೆ ಈ ಮಂದಿರದ ಕಟ್ಟಡದ ಬಗ್ಗೆ ಇನ್ನೊಂದು ಕಥೆ ಜನಜನಿತವಾಗಿದೆ. ಈ ಮಂದಿರವನ್ನು 5000 ವರ್ಷಗಳ ಹಿಂದೆ ಶ್ರೀ ಕೃಷ್ಣನ ಮರಿಮೊಮ್ಮಗನು ಕಟ್ಟಿಸಿದ್ದು ಎಂಬ ನಂಬಿಕೆಯೂ ಇದೆ. ಆ ಸಂದರ್ಭದಲ್ಲಿ ಮಂದಿರದ ವೈಭವದ ವರ್ಣನೆಯು ಯಾವುದೇ ಪದಗಳಿಗೆ ಅಥವಾ ಚಿತ್ರಕಲೆಗೆ ನಿಲುಕಲಾಗದಷ್ಟು ಉತ್ತಮವಾಗಿತ್ತು ಎಂದು ಹೇಳಲಾಗುತ್ತದೆ. ಮೂಲ ಮಂದಿರವನ್ನು ಕ್ರಿ.ಶ. 1017ನೇ ಇಸ್ವಿಯಲ್ಲಿ ಮುಹಮ್ಮದ್ ಘಜನಿ ಅನೇಕ ಬೌದ್ಧಧಾಮಗಳ ಜೊತೆಯಲ್ಲಿಯೇ ಇನ್ನೂ ನಾಶಮಾಡಿದ.
ಕಾಲಾಂತರದಲ್ಲಿ ಈ ಮಂದಿರ ಅನೇಕ ಶಿಲ್ಪಕಲಾ ಬದಲಾವಣೆಗಳಿಗೆ ಸಾಕ್ಷಿಯಾಗಿದೆ. ಈಗಿನ ಮಂದಿರ ಪಕ್ಕಾ ಹಿಂದೂ ಶಿಲ್ಪಕಲೆಯನ್ನು ಪ್ರತಿಬಿಂಬಿಸುತ್ತದೆ. ಔರಂಗಜೇಬ್ ಕಾಲದಲ್ಲಿ ಮಂದಿರದ ಹತ್ತಿರವೇ ಒಂದು ಬೃಹತ್ತಾದ ಮಸೀದಿಯನ್ನು ಈ ಮಂದಿರದ ಆಕರ್ಷಣೆ ಕಡಿಮೆ ಮಾಡಲು ಕಟ್ಟಿಸಲಾಗಿತ್ತು.
