ದಕ್ಷಿಣ ಭಾರತದ ಪಾಂಡಿಚೆರಿಯಲ್ಲಿ ಕಂಡುಬರುವ ಒಂದು ಪ್ರವಾಸಿ ಸ್ಥಳ ಮಾಹೆ. ಇದು ಕೇವಲ 9 ಚದರ ಕಿ.ಮೀ ವ್ಯಾಪ್ತಿಯನ್ನು ಮಾತ್ರ ಹೊಂದಿದ್ದು, ಮೂರು ಕಡೆ ಕೇರಳದ ಗಡಿಭಾಗದಿಂದ ಸುತ್ತುವರಿದಿದೆ. ಹೀಗಾಗಿ ಇಲ್ಲಿನ ಭಾಷೆ ಮತ್ತು ಸಂಪ್ರದಾಯದಲ್ಲಿ ಕೇರಳದ ಪಡಿಯಚ್ಚು ಕಾಣಬಹುದು. ಮಾಹೆಯಲ್ಲಿ ಸುಮಾರು 35 ಸಾವಿರ ಜನ ವಾಸವಿದ್ದಾರೆ. ಇಲ್ಲಿನ ಸಾಕ್ಷರತೆ ಪ್ರಮಾಣ ಶೇ.98.35. ಇಡೀ ದೇಶದಲ್ಲೇ ಅತ್ಯಂತ ಸಾಕ್ಷರರ ನಾಡು ಇದಾಗಿದೆ. 1954 ರಲ್ಲಿ ಈ ನಗರ ಫ್ರೆಂಚರ ಆಡಳಿತದಲ್ಲಿತ್ತು. ಹೀಗಾಗಿ ಇಲ್ಲಿನ ವಾಸ್ತುಶಿಲ್ಪದಲ್ಲಿ ಮತ್ತು ಸಂಪ್ರದಾಯಗಳಲ್ಲಿ ಫ್ರೆಂಚ್‌ ಪ್ರಭಾವವನ್ನು ಕಾಣಬಹುದು. ಇದಕ್ಕೆ ಸೂಕ್ತ ಉದಾಹರಣೆಯೆಂದರೆ 1855 ರಲ್ಲಿ ನಿರ್ಮಿಸಿದ ಗವರ್ನಮೆಂಟ್‌ ಹೌಸ್.

ಪಟ್ಟಣದ ಫ್ರೆಂಚ್‌ ಮೂಲ

ಬರ್ಟಾಂಡ್‌ ಫ್ರಾಂಕೋಯ್ಸ್‌ ಮಾಹೆ ಡೆ ಲಾ ಬೌರ್ಡನಿಸ್‌, ಈತ ಭಾರತದಲ್ಲಿ ಫ್ರೆಂಚ್‌ ವಸಾಹತು ಕಾಲದಲ್ಲಿದ್ದ ಪ್ರಮುಖ ವ್ಯಕ್ತಿ. ಈ ಪಟ್ಟಣಕ್ಕೆ ಅವನ ಹೆಸರಿರುವಂತೆ ಹಲವು ಕುರುಹುಗಳೂ ಇವೆ. ಪಟ್ಟಣದ ಹೆಸರಿಗೆ ಸಂಬಂಧಿಸಿದಂತೆ ಎರಡು ಪ್ರಮುಖ ಕಥೆಗಳಿವೆ. ಅವುಗಳಲ್ಲಿ ಒಂದು ಫ್ರೆಂಚ್‌ ವ್ಯಕ್ತಿಯ ಹೆಸರನ್ನು ಈ ಪಟ್ಟಣಕ್ಕೆ ಇಡಲಾಗಿದೆ ಎಂಬುದಾಗಿದ್ದರೆ, ಇನ್ನೊಂದು ಈಗಾಗಲೇ ಕೌಂಟ್‌ ಡೆ ಲಾ ಬೌರ್ಡನಿಸ್‌, ಮಾಹೆ ಹೆಸರನ್ನೇ ತನ್ನ ಹೆಸರಿನೊಂದಿಗೆ ಸೇರಿಸಿಕೊಂಡ ಎಂದೂ ಹೇಳಲಾಗುತ್ತದೆ.

ಮಾಹೆ ಸುತ್ತಮುತ್ತ ಪ್ರವಾಸಿ ತಾಣಗಳು

ಸುತ್ತಮುತ್ತಲಿನ ಕ್ರಿಶ್ಚಿಯನ್ನರಿಗೆ ಅತ್ಯಂತ ಪವಿತ್ರ ಧಾರ್ಮಿಕ ತಾಣವೆಂದರೆ ಮಾಹೆ ಪಳ್ಳಿ ಅಥವಾ ಚರ್ಚ್‌. ಮಾಹೆ ಬೋಟ್‌ ಹೌಸ್‌ ಕೂಡಾ ಪ್ರವಾಸಿಗರಿಗೆ ಅತ್ಯಂತ ಇಷ್ಟವಾಗುವ ಪ್ರದೇಶ. ಇಲ್ಲಿ ಸ್ಪೀಡ್‌ಬೋಟ್‌ಗಳು, ಪೆಡಲ್‌ ಬೋಟ್‌ಗಳು ಹೀಗೆ ಮುಂತಾದವುಗಳನ್ನು ಕಾಣಬಹುದು. ಈ ಸುಂದರ ಪಟ್ಟಣದಲ್ಲಿ ಪ್ರವಾಸಿಗರನ್ನು ವರ್ಷದ ಯಾವುದೇ ಸಮಯದಲ್ಲೂ ನೋಡಬಹುದು.

ಮಾಹೆ ಪ್ರಯಾಣಕ್ಕೆ ಸೂಕ್ತ ಕಾಲ

ಮಾಹೆಗೆ ಪ್ರಯಾಣ ಕೈಗೊಳ್ಳಲು ಸೂಕ್ತ ಕಾಲವೆಂದರೆ ಅಕ್ಟೋಬರಿನಿಂದ ಮಾರ್ಚ್‌ನ ಅವಧಿ.

ಮಾಹೆಗೆ ಹೋಗುವುದು ಹೇಗೆ

ರೈಲು, ರಸ್ತೆ ಮತ್ತು ವಿಮಾನ ಸಾರಿಗೆ ಮೂಲಕ ಭಾರತದ ಪ್ರಮುಖ ನಗರಗಳಿಗೆ ಇಲ್ಲಿಂದ ಸಂಪರ್ಕವಿದೆ.