ಅಘನಾಶಿನಿ ನದೀಪಾತ್ರದಲ್ಲಿರುವ ಮಿರ್ಜಾನ ಕೋಟೆಯನ್ನು ನೋಡಲು ಪ್ರವಾಸಿಗರಿಗೆ ಸಲಹೆ ಮಾಡಬಹುದು. ಈ ಕೋಟೆ ಸುಮಾರು 4.1 ಹೆಕ್ಟೇರು ವೈಶಾಲ್ಯತೆ ಹೊಂದಿದೆ. ತನ್ನ ಸುಂದರವಾದ ವಾಸ್ತುಶಿಲ್ಪಕ್ಕೆ ಈ ಕೋಟೆ ಹೆಸರಾಗಿದ್ದು, ಎರಡು ಹಂತದ ಗೋಡೆಯನ್ನು ಹೊಂದಿದೆ. ಕೆಂಪುಕಲ್ಲಿನಿಂದ ಮಾಡಿದ ಗೋಡೆಗಳು ಅತೀ ಎತ್ತರವಾಗಿದ್ದು, ಬುರುಜುಗಳನ್ನು ಹೊಂದಿದೆ. ಮಿರ್ಜಾನ ಕೋಟೆಯು ಒಂದು ಕಾಲದಲ್ಲಿ ಹಲವಾರು ಯುದ್ಧಗಳಿಗೆ ಸಾಕ್ಷಿಯಾಗಿತ್ತು ಮತ್ತು ಹಲವು ಕಥೆಗಳು ಈ ಕೋಟೆಗೆ ಸಂಬಂಧಿಸಿದಂತೆ ಹೆಣೆದುಕೊಂಡಿವೆ.
ಕೋಟೆಗೆ ಒಂದು ಮುಖ್ಯವಾದ ಮತ್ತು ಇನ್ನು ಮೂರು ಹೆಚ್ಚಿನ ದ್ವಾರವಿದೆ. ಕೋಟೆಯ ಒಳಗೆ ಅಂತರಸಂಪರ್ಕವನ್ನು ಹೊಂದಿರುವ ಬಾವಿಳಿವೆ. ಕೋಟೆಯ ಇಡೀ ರಚನೆಯನ್ನು ಈ ಬಾವಿಗಳು ಸುತ್ತುವರಿದಿವೆ.ಐತಿಹ್ಯಗಳ ಪ್ರಕಾರ 16ನೇ ಶತಮಾನದಲ್ಲಿ ಗೇರಸೊಪ್ಪೆಯ ರಾಣಿ ಚೆನ್ನಭೈರದೇವಿಯು ಈ ಕೋಟೆಯನ್ನು ಕಟ್ಟಿದಳು ಮತ್ತು ಸುಮಾರು 54 ವರ್ಷಗಳ ಕಾಲ ಈ ಕೋಟೆಯಲ್ಲೇ ವಾಸಿಸಿದ್ದಳು. ಸದ್ಯದಲ್ಲಿ ಈ ಕೋಟೆ ಹಾಳುಬಿದ್ದ ಸ್ಥಿತಿಯಲ್ಲಿದೆ, ಆದರೂ ಕೂಡಾ ಭಾರತೀಯ ವಾಸ್ತುಶಿಲ್ಪ ಇಲಾಖೆಯು ಈ ಕೋಟೆಯನ್ನು ಮತ್ತೆ ಹಳೆಯ ವೈಭವಕ್ಕೆ ಮರಳಿಸುವ, ಪ್ರವೇಶದ್ವಾರ, ದರ್ಬಾರ್ ಹಾಲ್, ಗುಪ್ತ ಸುರಂಗಗಳು ಮತ್ತು ಮಾರುಕಟ್ಟೆಯ ಪ್ರದೇಶವನ್ನು ಪುನರುಜ್ಜೀವನಗೊಳಿಸುವ ಪ್ರಯತ್ನದಲ್ಲಿದೆ.
ಸುತ್ತಲಿನ ಪ್ರದೇಶದಲ್ಲಿ ದಟ್ಟವಾದ ಅರಣ್ಯವಿದ್ದು, ಹಿಂದೂ ದೇವರುಗಳು ಮತ್ತು ದೇವತೆಗಳನ್ನು ಇಲ್ಲಿನ ಕಲ್ಲುಗಳ ಮೇಲೆ ಕಾಣಬಹುದು. ಈ ಕೋಟೆಯಲ್ಲಿ ಕೆಲವು ಅತಿ ಪುರಾತನ ವಸ್ತುಗಳು ಕೂಡಾ ಇದ್ದು, 1652ರ ಚಿನ್ನ ನಾಣ್ಯ, ಸುಮಾರು 50 ಕಬ್ಬಿಣದ ಗುಂಡುಗಳು, ರಾಜವಂಶದ ಸರ್ಪಮಾಲಿಕೆ ನಾಣ್ಯಗಳು ಮತ್ತು ಭೂ ಕುಡಿಕೆಗಳು ಹಾಗೂ ಇನ್ನಿತರ ಹಲವು ವಸ್ತುಗಳನ್ನು ನಾವು ನೋಡಬಹುದು.