Click it and Unblock the Notifications
ಲೈಟ್ ಹೌಸ್, ಕೊವಲಂ ಪಟ್ಟಣ ಪ್ರದೇಶದಲ್ಲಿ ಸ್ಥಾಪಿತವಾಗಿದ್ದು ಇಲ್ಲಿನ ಐತಿಹಾಸಿಕ ಬದಲಾವಣೆಗೆ ಮೂಕ ಸಾಕ್ಷಿಯಾಗಿದೆ ಈ ಲೈಟ್ ಹೌಸ್. ಅರೇಬಿಯನ್ ಸಮುದ್ರದ ವಿಶಾಲ ಸೊಬಗನ್ನು ಸಮುದ್ರದ ವಿಸ್ತಾರವನ್ನು ನೋಡುವುದಕ್ಕಾಗಿಯೇ ಲೈಟ್ ಹೌಸ್ ಏರಲು ಮುಗಿಬೀಳುತ್ತಾರೆ. ಈ ಲೈಟ್ ಹೌಸ್ ಇಡೀ ದೇಶದಲ್ಲಿಯೇ ಇರುವ ಅತ್ಯಂತ ಸುಂದರವಾದ ನೋಡಲೇ ಬೇಕಾದಂತಹ ಲೈಟ್ ಹೌಸ್ ಆಗಿದೆ. ಇದರ ಆಕರ್ಷಣೆಗೆ ಇನ್ನೊಂದು ಮುಖ್ಯ ಕಾರಣವೆಂದರೆ ಲೈಟ್ ಹೌಸ್, ಬೀಚ್ ಹತ್ತಿರದಲ್ಲಿಯೇ ಇರುವುದು.
ಈ ಲೈಟ್ ಹೌಸ್ ನ್ನು ಕಲ್ಲಿನಿಂದಲೇ ನಿರ್ಮಿಸಲಾಗಿದ್ದು. ಅದಕ್ಕೆ ಕೆಂಪು ಮತ್ತು ಬಿಳಿ ಬಣ್ಣ ಬಳಿಯಲಾಗಿದೆ. ಈ ಲೈಟ್ ಹೌಸ್ 118 ಅಡಿ ಎತ್ತರದ್ಲಲಿದೆ. ಅತ್ಯಂತ ಹಳೆಯದಾದ ಈ ಲೈಟ್ ಹೌಸ್ ಈಗಲೂ ಕಾರ್ಯವನ್ನು ನಿವರ್ಹಿಸುತ್ತಿದ್ದು, ಹಡಗಿನ ಮೂಲಕ ಸಮುದ್ರಯಾನ ಮಾಡುವವರಿಗೆ ಮಾರ್ಗದರ್ಶನ ನೀಡುತ್ತದೆ. 1972 ರಲ್ಲಿ ಇದನ್ನು ಸರಿಯಾಗಿ ಕಾರ್ಯ ನಿರ್ವಹಿಸುವುದಕ್ಕಾಗಿ ಸಜ್ಜುಗೊಳಿಸಲಾಗಿತ್ತು. ಆನಂತರ ಪುನಃ 2003 ರಲ್ಲಿ ಎಮ್/ಸ್ ಬಿಬಿಟಿ ಯವರು ನೀಡಿದ ಆಧುನಿಕ ಉಪಕರಣಗಳನ್ನು ಈ ಲೈಟ್ ಹೌಸ್ ನಲ್ಲಿ ಜೋಡಿಸಲಾಗಿದೆ. ಈ ಲೈಟ್ ಹೌಸ್ ನ್ನು ಎತ್ತರದಲ್ಲಿ / ತುದಿಯಲ್ಲಿ ಹತ್ತಿ ನಿಂತು ನೋಡಿದರೆ ಪರ್ವತಶ್ರೇಣಿ, ಬೆಟ್ಟದ ಸಾಲು, ಶಿಖರ, ಬದು (ಗದ್ದೆಯ ಬದುವಿನಲ್ಲಿ ಬೆಳೆದ ಹುಲ್ಲು), ಮೊಗಡು (ಮಾಡಿನ ಮೊಗಡು) ಇವೆಲ್ಲ್ಲವುಗಳ ನಡುವೆ ಈ ಮೂರು ಬೀಚ್ ಗಳು ಬೇರ್ಪಟ್ಟಿರುವುದನ್ನು ಕಾಣಬಹುದು.
ಇಷ್ಟು ಸೊಬಗನ್ನು ಹೊಂದಿರುವ ಕೊವಲಂ ಪ್ರದೇಶದ ಬಗ್ಗೆ ಸಚಿತ್ರ ವರದಿಯನ್ನು ಕೇಳಿದ ಮೇಲೆ ನೀವು ಹೋಗಲು ತಯಾರಾಗಿದ್ದೀರಲ್ಲವೇ? ಇಲ್ಲಿಗೆ ತಲುಪಲು ಅತ್ಯಂತ್ಯ ಸುಲಭ. ಅದರ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.
