Click it and Unblock the Notifications
ಚೈತುರ್ ಗಢ್ ಕೋಟೆಯು ಲಫಗಢ್ ಎಂದು ಸಹ ಕರೆಯಲ್ಪಡುತ್ತದೆ. ಇದು ಭಾರತದ ಪ್ರಾಕೃತಿಕ ಕೋಟೆಗಳಲ್ಲಿಯೇ ಅತ್ಯಂತ ಸದೃಢವಾದ ಕೋಟೆಗಳಲ್ಲಿ ಒಂದಾಗಿದೆ. ಇದು ಪಾಳಿಯಿಂದ 19 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇದು ಚತ್ತೀಸ್ಗಢ್ನ 36 ಕೋಟೆಗಳಲ್ಲಿ ಒಂದಾಗಿದೆ. ಈ ಕೋಟೆಯು ದೊಡ್ಡದಾದ ಪ್ರಾಕೃತಿಕ ಗೋಡೆಗಳನ್ನು ಹೊಂದಿದೆ. ಇದಕ್ಕೆ ಅಲ್ಲಲ್ಲಿ ಮಾತ್ರ ಕೆಲವೊಂದು ಗೋಡೆಗಳನ್ನು ನಿರ್ಮಾಣ ಮಾಡಿದ್ದಾರೆ. ಈ ಕೋಟೆಯನ್ನು ಒಂದನೆ ರಾಜ ಪೃಥ್ವಿದೇವನು ನಿರ್ಮಾಣ ಮಾಡಿದನು. ಮೇನಕ, ಸಿಂಹದ್ವಾರ ಮತ್ತು ಹುಂಕಾರಗಳು ಈ ಕೋಟೆಯ ಪ್ರಮುಖ ದ್ವಾರಗಳಾಗಿವೆ.
ಮಹಿಷಾಸುರ ಮರ್ದಿನಿ ದೇವಾಲಯವು ಈ ಕೋಟೆಯ ಒಳಭಾಗದಲ್ಲಿ ನೆಲೆಗೊಂಡಿದೆ. ಇದರ ಒಳಗೆ ದುರ್ಗಾದೇವಿಯು ಹನ್ನೆರಡು ಕೈಗಳನ್ನು ಹೊಂದಿರುವ ಮಹಿಷಾಸುರ ಮರ್ದಿನಿಯ ವಿಗ್ರಹದ ರೂಪದಲ್ಲಿ ಪೂಜಿಸಲ್ಪಡುತ್ತಿದ್ದಾಳೆ. ಈ ದೇವಾಲಯದಿಂದ 3 ಕಿ.ಮೀ ದೂರದಲ್ಲಿ ಶಂಕರ ಗುಹೆಗಳು ನೆಲೆಗೊಂಡಿವೆ. ಈ ಗುಹೆಗಳು ಸುರಂಗ ಮಾರ್ಗದಂತೆ ಕಾಣುತ್ತವೆ.
ಹಚ್ಚ ಹಸಿರಿನ ಕಾಡುಗಳಿಂದ ಸುತ್ತುವರಿದ ಐದು ಕೊಳಗಳು ಇಲ್ಲಿವೆ. ಇದರ ಸಮೀಪದಲ್ಲಿ ಹಲವಾರು ಪ್ರಾಣಿ- ಪಕ್ಷಿಗಳನ್ನು ನಾವು ವೀಕ್ಷಿಸಬಹುದು. ಈ ಸ್ಥಳದ ಪ್ರಾಕೃತಿಕ ಸೊಬಗು ವರ್ಣನಾತೀತ.
