Click it and Unblock the Notifications
ಚೌರಾಸಿಯು ಒಂದು ಸಣ್ಣ ನಗರವಾಗಿದ್ದು ಪ್ರಾಚಿ ನದಿಯ ಬಲ ತೀರದ ಮೇಲೆ ನೆಲೆಗೊಂಡಿದೆ. ಈ ಸ್ಥಳವು ದೇವಾಲಯಗಳಿಗೆ ಪ್ರಸಿದ್ದವಾಗಿದೆ. ಇಲ್ಲಿ ಬರಾಹಿ, ಅಮರೇಶ್ವರ ಮತ್ತು ಲಕ್ಷ್ಮಿ ನಾರಾಯಣ ದೇವಸ್ಥಾನಗಳು ಇಲ್ಲಿವೆ. ಬರಾಹಿಯನ್ನು ವರಾಹಿ ಎಂದು ಸಹ ಕರೆಯಲಾಗುತ್ತದೆ. ಇದು ಇಲ್ಲಿನ ಮಾತೃ ದೇವತೆಯ ಹೆಸರು.
ಈ ದೇವಸ್ಥಾನವನ್ನು ಕ್ರಿ. ಪೂ ಹತ್ತನೇ ಶತಮಾನದ ಆರಂಭದಲ್ಲಿ ನಿರ್ಮಿಸಲಾಗಿದೆ. ಈ ದೇವಾಲಯದ ಪ್ರಮುಖ ದೇವತೆ ವರಾಹಿ ದೇವತೆ. ಈ ದೇವತೆಯು ಹಂದಿಯ ಮುಖ ಮತ್ತು ಡೊಳ್ಳು ಹೊಟ್ಟೆಯನ್ನು ಹೊಂದಿರುವಂತೆ ಚಿತ್ರಿಸಲಾಗಿದೆ. ಈ ದೇವತೆಯು ಒಂದು ಕೈಯಲ್ಲಿ ಮೀನನ್ನು ಮತ್ತು ಇನ್ನೊಂದು ಕೈಯಲ್ಲಿ ಬಟ್ಟಲನ್ನು ಹಿಡಿದಿದ್ದಾಳೆ. ಈ ದೇವತೆಯು ತನ್ನ ಹಣೆಯ ಮೇಲೆ ಮೂರನೇಯ ಕಣ್ಣನ್ನು ಹೊಂದಿದ್ದಾಳೆ. ಈ ದೇವತೆಯನ್ನು ತಾಂತ್ರಿಕ ಆಚರಣೆಗಳ ಪ್ರಕಾರ ಪೂಜಿಸಲಾಗುತ್ತದೆ.
ಈ ದೇವಸ್ಥಾನವನ್ನು ಭವ್ಯವಾದ ವಾಸ್ತುಶಿಲ್ಪ ವಿನ್ಯಾಸದಿಂದ ಅದ್ದೂರಿಯಾಗಿ ಅಲಂಕರಿಸಲಾಗಿದೆ. ಈ ದೇವಾಲಯವು ಉನ್ನತ ಮಟ್ಟದಲ್ಲಿ ಆಯಾತಾಕಾರದ ಮುಖ ಮಂಟಪವನ್ನು ಹೊಂದಿದೆ. ಬರಾಹಿ ದೇವತೆಗೆ ಪ್ರತಿನಿತ್ಯವು ಮೀನನ್ನು ನೈವೇದ್ಯವನ್ನಾಗಿ ಸಮರ್ಪಿಸಲಾಗುತ್ತದೆ. ಇದನ್ನು ನೋಡಲು ಪ್ರವಾಸಿಗರು, ಭಕ್ತರು, ಮತ್ತು ಜನರು ಗುಂಪುಗುಂಪಾಗಿ ಬರುತ್ತಾರೆ. ಇಲ್ಲಿರುವ ಇತರ ದೇವಾಲಯಗಳೆಂದರೆ ಲಕ್ಷ್ಮಿ ನಾರಾಯಣ ದೇವಸ್ಥಾನ ಮತ್ತು ಅಮರೇಶ್ವರ ದೇವಸ್ಥಾನ. ಇವುಗಳು ಕೂಡ ಪ್ರವಾಸಿಗರ ಆಕರ್ಷಣೆಯ ಕೇಂದ್ರಗಳಾಗಿವೆ.
