ಸಿಕ್ಕಿಂ ನಲ್ಲಿ ಕಾಣಬಹುದಾದ ಅತಿ ಎತ್ತರದ ಶಿಖರಗಳಲ್ಲಿ ಪಂಡಿಂ ಶಿಖರವೂ ಒಂದು. ಸುಮಾರು 22010 ಅಡಿಗಳಷ್ಟು ಎತ್ತರವಿರುವ ಈ ಶಿಖರವು ಹಿಮಚ್ಛಾದಿತ ಪರ್ವತಗಳ ನಡುವೆ ನೆಲೆಸಿದ್ದು ಸುಂದರವಾಗಿ ಗೋಚರಿಸುತ್ತದೆ. ಈ ಪರ್ವತ ಶ್ರೇಣಿಯ ಹತ್ತಿರದಲ್ಲೆ ಇರುವ 'ಝೊಂಗ್ರಿ ಟಾಪ್' ನಿಂದ ಇದರ ವಿಹಂಗಮ ನೋಟವನ್ನು ಸವಿಯಬಹುದಾಗಿದೆ.
ಏಪ್ರಿಲ್, ಮೇ ಮತ್ತು ಸೆಪ್ಟಂಬರ್ ತಿಂಗಳುಗಳಲ್ಲಿ ಇಲ್ಲಿ ಚಾರಣಗಳನ್ನು ಆಯೋಜಿಸಲಾಗುತ್ತಿರುತ್ತದೆ. ಈ ಚಟುವಟಿಕೆಯಲ್ಲಿ ಭಾಗವಹಿಸುವ ಇಚ್ಛೆ ನಿಮ್ಮಲ್ಲಿದ್ದರೆ ದೆಹಲಿಯಲ್ಲಿರುವ ಐ.ಎಂ.ಎಫ್ (ಇಂಡಿಯನ್ ಮೌಂಟೇನಿಯರಿಂಗ್ ಫೌಂಡೇಷನ್) ನಲ್ಲಿ ನಿಮ್ಮ ಹೆಸರನ್ನು ನೊಂದಾಯಿಸಬಹುದು.