Click it and Unblock the Notifications
ಮುಂಡೇಶ್ವರಿ ದೇವಾಲಯ ಶಿವ ಹಾಗೂ ಶಕ್ತಿಯ ಆರಾಧನೆಯ ದೇವಾಲಯವಾಗಿದೆ ಹಾಗೂ ಇದನ್ನು ಮುಂಡೇಶ್ವರಿ ಬೆಟ್ಟಗಳ ಮೇಲೆ ಇದೆ. ಈ ದೇವಾಲಯವನ್ನು ಜಗತ್ತಿನ ಇನ್ನೂ ಪೂಜೆ ನಡೆಯುತ್ತಿರುವ ಅತ್ಯಂತ ಹಳೆಯ ದೇವಾಲಯ ಎಂದು ಕರೆಯಲಾಗುತ್ತದೆ. ಇಲ್ಲಿ ಯಾವುದೇ ಅಡೆ ತಡೆಗಳು ಅಥವಾ ವಿರಾಮವಿಲ್ಲದೆ ಪೂಜೆ ನಡೆಯುತ್ತದೆ. ಇಲ್ಲಿ ಗಣೇಶ, ಸೂರ್ಯ ಹಾಗೂ ವಿಷ್ಣು ದೇವರ ವಿಗ್ರಹಗಳೂ ಇವೆ.
ಭಾರತದ ಪುರಾತತ್ವ ಇಲಾಖೆಯು ಈ ದೇವಾಲಯವನ್ನು ಸುಮಾರು ಕ್ರಿ.ಶ. 108 ರಲ್ಲಿ ಕಟ್ಟಲಾದ ದೇವಾಲಯ ಎಂದು ಹೇಳಿದೆ ಹಾಗೂ 1915 ರಿಂದ ಇದೊಂದು ಸಂರಕ್ಷಿಸಲ್ಪಟ್ಟ ಕಟ್ಟಡವಾಗಿದೆ. ಮುಂಡೇಶ್ವರಿ ದೇವಾಲಯ ನಗರ ಶೈಲಿಯ ವಾಸ್ತುಶಿಲ್ಪದ ಇನ್ನೊಂದು ಮಾದರಿಯಾಗಿದೆ. ರಾಮನವಮಿ ಮತ್ತು ಶಿವರಾತ್ರಿ ಉತ್ಸವಗಳನ್ನು ಇಲ್ಲಿ ಬಹಳ ವಿಜೃಂಭಣೆಯಿಂದ ಮಾಡಲಾಗುತ್ತದೆ. ಈ ಉತ್ಸವಗಳ ಸಮಯದಲ್ಲಿ ಭಕ್ತರ ಮಹಾಪೂರವೇ ಹರಿದು ಬರುತ್ತದೆ. ಇದರ ಜೊತೆಗೆ ನವರಾತ್ರಿಯ ಸಮಯದಲ್ಲಿ ಇಲ್ಲಿ ನಡೆಯುವ ವಾರ್ಷಿಕ ಉತ್ಸವದ ಸಮಯದಲ್ಲೂ ಹೆಚ್ಚಿನ ಸಂಖ್ಯೆಯ ಭಕ್ತರು ಆಗಮಿಸುತ್ತಾರೆ.
