ಷಾಹಿ ಖಿಲ್ಲಾ ಜೌನಪುರ ಕೋಟೆ ಅಥವ ಕರಾರ್ ಕೋಟೆ ಎಂದು ಕೂಡ ಪ್ರಸಿದ್ಧಿ ಪಡೆದಿದೆ. ಮೊದಲು ಇದು ದಿಬ್ಬದ ಮೇಲಿತ್ತು ಮತ್ತು ಇದನ್ನು ಕೆರಾರ್ ಕೋಟೆ ಎಂದು ಕರೆಯುತ್ತಿದ್ದರು. ಇದನ್ನು ಇಬ್ರಾಹಿಂ ನಯಿಬ್ ಬಾರ್ಬಕ್ ಫಿರೋಜ್ ಷಾ ತುಘಲಕನ ದಳವಾಯಿ 1376-77ರಲ್ಲಿ ಕಟ್ಟಿಸಿದನು.
ಗೋಮತಿ ನದಿಯ ಷಾಹಿ ಸೇತುವೆಯ ಸಮೀಪದಲ್ಲಿದೆ. ಇದರ ನಿರ್ಮಾಣಕ್ಕೆ ಬಳಸಲಾಗಿರುವ ವಸ್ತುಗಳು ಕನೋಜ್ನ ರಾಥೋರ್ ದೊರೆಗಳು ಕಟ್ಟಿಸಿದ ದೇವಾಲಯಗಳು ಮತ್ತು ಸ್ಥಳಗಳಿಗೆ ಸೇರಿದವುಗಳಾಗಿವೆ. ಈ ದೇವಾಲಯಗಳನ್ನು ಮುಸ್ಲಿಂ ಆಕ್ರಮಣಕಾರರು ಧ್ವಂಸ ಮಾಡಿದ್ದರು.
ತುಘಲಕರನ್ನು ನೂರು ವರ್ಷಗಳ ನಂತರ ಸೋಲಿಸಿದ ಲೋಧಿಗಳು ಈ ಕೋಟೆಯನ್ನು ಧ್ವಂಸಮಾಡಿದರು. ಇದನ್ನು ಮುಘಲ್ ದೊರಗಳಾದ ಹುಮಾಯುನ್ ಮತ್ತು ಅಕ್ಬರನ ಕಾಲದಲ್ಲಿ ದುರಸ್ತಿಮಾಡಿ ನವೀಕರಿಸಲಾಯಿತು. 1857ರ ಪ್ರಥಮ ಸ್ವಾತಂತ್ರ್ಯ ಸಂಗ್ರಾಮದ ಸಂದರ್ಭದಲ್ಲಿ ಬ್ರಿಟೀಷರ ಸುಪರ್ದಿಯಲ್ಲಿದ್ದ ಈ ಕೋಟೆ ಪುನಃ ಧ್ವಂಸಗೊಂಡಿತು. ಇದು ಜೌನಪುರದಿಂದ 2.2 ಕಿಮೀ ದೂರದಲ್ಲಿದ್ದು ಇಲ್ಲಿನ ಪ್ರಮುಖ ಆಕರ್ಷಣೆ.