ವೈತರಣ ನದಿಗೆ ನಿರ್ಮಾಣಗೊಂಡಿರುವ ಈ ವೈತರಣ ಆಣೆಕಟ್ಟು ಸಹಜ ಸೌಂದರ್ಯದ ಜತೆ ಪಶ್ಚಿಮ ಘಟ್ಟ ಅರಣ್ಯದ ವಿಹಂಗಮ ನೋಟವನ್ನೂ ಸೇರಿಸಿಕೊಂಡು ಇನ್ನಷ್ಟು ಆಕರ್ಷಕ ತಾಣವಾಗಿ ಜನಪ್ರಿಯವಾಗಿದೆ. ಇದನ್ನು 1950 ರಲ್ಲಿ ನಿರ್ಮಿಸಲಾಗಿದೆ. ದೇಶಾದ್ಯಂತ ವಾಣಿಜ್ಯ ಉದ್ದೇಶಕ್ಕೆ ಒಂದಿಷ್ಟು ಆಣೆಕಟ್ಟನ್ನು ನಿರ್ಮಿಸಲಾಯಿತು. ಅದರಲ್ಲಿ ಇದೂ ಒಂದು ಎನ್ನಲಾಗುತ್ತದೆ.
ಅತ್ಯಾಕರ್ಷಕ ಸರೋವರ ಇಲ್ಲಿ ನಿರ್ಮಾಣವಾಗಿದೆ. ಆಣೆಕಟ್ಟು ಭಾಗದಲ್ಲಿ ಇದನ್ನು ವೀಕ್ಷಿಸುವುದೇ ಅತ್ಯಂತ ಸಂತಸದಾಯಕ. ಹಿನ್ನೀರಿನ ವೀಕ್ಷಕರಿಗೆ ಹೊಗಳಲು ಪದ ಸಿಗುವುದಿಲ್ಲ. ಅಷ್ಟು ಆಕರ್ಷಕ ನೋಟವನ್ನು ಒಳಗೊಂಡಿದೆ ಈ ಪ್ರದೇಶ. ಅಲ್ಲದೇ ಇದು ಮುಂಬಯಿ ನಗರಿಯ ಬಳಕೆಯ ನೀರು ಪೂರೈಕೆಯ ಮೂಲವೂ ಹೌದು.