Click it and Unblock the Notifications
ಮೇಟ್ಟುಪಾಳಯಂನಲ್ಲಿರುವ ಬ್ಲಾಕ್ ಥಂಡರ್ ಒಂದು ಅಮ್ಯೂಸ್ಮೆಂಟ್ ( ಮನೋರಂಜನೆಯ ಪಾರ್ಕ್) ಮತ್ತು ಥೀಮ್ ಪಾರ್ಕ್ ಆಗಿದ್ದು, ಕೊಯಮತ್ತೂರಿನಿಂದ 40 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈ ಅಮ್ಯೂಸ್ಮೆಂಟ್ ಪಾರ್ಕನ್ನು 75 ಎಕರೆಗಳಷ್ಟು ವಿಶಾಲವಾದ ಪ್ರದೇಶದಲ್ಲಿ ನಿರ್ಮಾಣ ಮಾಡಲಾಗಿದೆ. ಈ ಪಾರ್ಕಿನಲ್ಲಿ ಸುಮಾರು 49 ಬಗೆಯ ರೋಮಾಂಚಕಾರಿ ಮತ್ತು ವಿನೋದದಿಂದ ಕೂಡಿದ ಸವಾರಿಗಳನ್ನು( ರೈಡ್) ನೀವು ಮಾಡಬಹುದು. ಇವುಗಳಲ್ಲಿ ಅತ್ಯಂತ ಪ್ರಸಿದ್ಧಿಯನ್ನು ಪಡೆದಿರುವುದು ವೈಲ್ಡ್ ರಿವರ್ ರೈಡ್ ಮತ್ತು ಸರ್ಫ್ ಹಿಲ್ ಎಂಬ ಆಟಗಳಾಗಿವೆ.
ಈ ಪಾರ್ಕಿನ ಆವರಣದಲ್ಲಿ ಒಂದು ಹೋಟೆಲ್ ಇದೆ. ರಾತ್ರಿಯ ಹೊತ್ತು ಇಲ್ಲಿ ತಂಗಲು ಸಹ ಅವಕಾಶವಿದೆ. ಹಲವಾರು ಜನರು ಈ ಹೋಟೆಲ್ನಲ್ಲಿ ತಂಗಲು ಬಯಸುತ್ತಾರೆ. ಏಕೆಂದರೆ ಇಲ್ಲಿ ಆಟಗಳಷ್ಟೇ ಅಲ್ಲದೇ ನೋಡಲು ಅದ್ಭುತವಾದ ಪ್ರಕೃತಿ ಸೌಂದರ್ಯ ಸಹ ಇದೆ.
ಈ ಪಾರ್ಕನ್ನು ನೀಲಗಿರಿ ಬೆಟ್ಟದ ತಪ್ಪಲಿನಲ್ಲಿ ನಿರ್ಮಿಸಲಾಗಿದೆ. ಇಲ್ಲಿಂದ ನೀವು ನೀಲಗಿರಿಯ ಭವ್ಯ ವಿಹಂಗಮ ನೋಟವನ್ನು ನೋಡಿ ಆನಂದಿಸಬಹುದು. ಅಲ್ಲದೆ ಇಲ್ಲಿಂದ ನೀಲಗಿರಿ ಬೆಟ್ಟದ ಮೇಲೆ ಇರುವ ಟೀ ಮತ್ತು ಕಾಫಿ ತೋಟಗಳ ಸೌಂದರ್ಯವನ್ನು ಸಹ ಸವಿಯಬಹುದು. ಈ ತೋಟಗಳು ಇಲ್ಲಿನ ಪರಿಸರಕ್ಕೆ ತಮ್ಮದೇ ಆದ ಮೆರಗನ್ನು ಒದಗಿಸಿರುವುದನ್ನು ನೀವು ಕಾಣಬಹುದು. ಈ ಪಾರ್ಕಿಗೆ ಪ್ರವೇಶ ದರವು ಹತ್ತು ವರ್ಷಕ್ಕಿಂತ ಮೇಲ್ಪಟ್ಟ ವಯಸ್ಕರಿಗೆ 450 ರೂಪಾಯಿ ಮತ್ತು 10 ವರ್ಷಕ್ಕಿಂತ ಕೆಳಗಿನ ಮಕ್ಕಳಿಗೆ 400 ರೂಪಾಯಿ ಇರುತ್ತದೆ.
