ಕೊಯಮತ್ತೂರಿನಲ್ಲಿರುವ ಮರುಧಮಲೈ ದೇವಾಲಯವು ಮುರುಗನ್ ದೇವಾಲಯವಾಗಿದ್ದು, ಮರುಧಮಲೈ ಎಂಬ ಬೆಟ್ಟದ ಮೇಲೆ ನೆಲೆಗೊಂಡಿದೆ. ಪ್ರಾಚೀನ ಕಾಲದಲ್ಲಿ ಈ ದೇವಾಲಯವು ಕೊಂಗು ವೆಟ್ಟುವ ಗೌಂಡರ್ ರಾಜರ ಸ್ವತ್ತಾಗಿತ್ತು. ಈ ದೇವಾಲಯವು ಪ್ರಾಮುಖ್ಯತೆಯಲ್ಲಿ ಮತ್ತೊಂದು ಮುರುಗನ್ ದೇವಾಲಯವಾದ ಅರುಪಡೈವೀಡು ದೇವಾಲಯದ ನಂತರ ಎರಡನೆ ಸ್ಥಾನವನ್ನು ಸಂಪಾದಿಸಿದೆ. ಮುರುಗನ್ನನ್ನು ಆರಾಧಿಸುವ ಭಕ್ತಾಧಿಗಳು ಮರುಧಮಲೈಯನ್ನು ಅನಧಿಕೃತವಾಗಿ ಮುರುಗನ್ನ ಏಳನೆ ಪಡೈವೀಡು ಎಂದು ನಂಬುತ್ತಾರೆ
ಈ ದೇವಾಲಯವು ಅತ್ಯಂತ ಹಳೆಯ ದೇವಾಲಯವಾಗಿದ್ದು, ಇದರ ಕುರಿತಾಗಿ ಹಲವಾರು ಸಾಹಿತ್ಯಗಳಲ್ಲಿ ಉಲ್ಲೇಖಗಳಿವೆ. ತಿರುಮುರುಗನ್ಪೂಂಡಿ ದೇವಾಲಯದಲ್ಲಿರುವ ಭಿತ್ತಿ ಶಾಸನದಲ್ಲಿ ಮರುಧಮಲೈ ದೇವಾಲಯದ ಕುರಿತಾಗಿ ಉಲ್ಲೇಖಗಳಿವೆ. ಈ ಶಾಸನದ ಪ್ರಕಾರವಾಗಿ ತೀರ್ಮಾನಕ್ಕೆ ಬರುವುದಾದರೆ ಈ ದೇವಾಲಯಕ್ಕೆ 1200 ವರ್ಷಗಳ ಇತಿಹಾಸವಿದೆ.
ಇನ್ನಿತರ ಮುರುಗನ್ ದೇವಾಲಯಗಳ ರೀತಿಯಲ್ಲಿಯೇ ಮರುಧಮಲೈ ದೇವಾಲಯವನ್ನು ಪಶ್ಚಿಮ ಘಟ್ಟದ ಒಂದು ಭಾಗವಾಗಿರುವ ಒಂದು ಬೆಟ್ಟದ ಮೇಲೆ ನಿರ್ಮಿಸಲಾಗಿದೆ. ಕೊಯಮತ್ತೂರಿನಿಂದ ಕೇವಲ 15 ಕಿ.ಮೀ ದೂರದಲ್ಲಿರುವ ಈ ದೇವಾಲಯವನ್ನು ಸುಲಭವಾಗಿ ತಲುಪಬಹುದು.