ಚುರಾಚಂದ್ಪೂರ್ ನಲ್ಲಿ ಟುಯಿಬುವಾಂಗ್ ಮತ್ತು ಥಾಂಗ್ಜ಼ಂ ಎಂಬ ಹೆಸರಿನ ಎರಡು ವಸ್ತು ಸಂಗ್ರಹಾಲಯಗಳಿವೆ. ಈ ಸಂಗ್ರಹಾಲಯದ ಭೇಟಿ ಮಣಿಪುರದ ಇತಿಹಾಸವನ್ನೇ ತೆರೆದಿಡುತ್ತದೆ. ಇಂದಿನ, ಸ್ವಾತಂತ್ರಪೂರ್ವ ಬ್ರಿಟಿಷ್ ಆಳ್ವಿಕೆಯ ಕಾಲದ ಹಾಗೂ ಅದಕ್ಕೂ ಹಿಂದಿನ ರಾಜಮನೆತನದ ಆಡಳಿತದ ವಸ್ತುಗಳು ಇತಿಹಾಸವನ್ನು ಸಾದೃಶಗೊಳಿಸುತ್ತವೆ. ಇಡಿಯ ರಾಜ್ಯದಿಂದ ವಿವಿಧ ಬುಡಕಟ್ಟು ಜನಾಂಗದವರಿಂದ ಸಂಗ್ರಹಿಸಲ್ಪಟ್ಟ ಕಲಾಕೃತಿಗಳನ್ನು ಸಂರಕ್ಷಿಸಿ ಉಳಿಸಿಕೊಳ್ಳಲಾಗಿದೆ. ಅಂದಿನ ದಿನಗಳ ದಿನಬಳಕೆಯ ವಸ್ತುಗಳು, ಕೃಷಿ ಉಪಕರಣಗಳು, ಬೇಟೆಯ ಆಯುಧಗಳು ಮತ್ತು ಶತ್ರುಗಳ ಧಾಳಿಯನ್ನು ಎದುರಿಸಲು ಉಪಯೋಗಿಸಲಾಗುತ್ತಿದ್ದ ಆಯುಧಗಳನ್ನು ಪ್ರದರ್ಶಿಸಲಾಗಿದೆ.