Click it and Unblock the Notifications
ಚಾತಪುರಿನಾಥರ್ ದೇವಾಲಯವು ಶಿವನ ದೇವಾಲಯವಾಗಿದೆ. ಇದು ಈ ಪ್ರಾಂತ್ಯದಲ್ಲಿರುವ ಹಲವಾರು ಶಿವಾಲಯಗಳಂತೆ ಪ್ರಸಿದ್ಧಿಯನ್ನು ಗಳಿಸಿದೆ. ಇಲ್ಲಿ ಶಿವನನ್ನು ಸ್ವಾಮಿ ಚಾರಪುರಿನಾಥರ್ ಎಂಬ ನಾಮಧೇಯದಿಂದ ಪೂಜಿಸಲಾಗುತ್ತದೆ. ಈ ದೇವಾಲಯಕ್ಕೆ ಭಕ್ತಾಧಿಗಳು ವರ್ಷ ಪೂರ್ತಿ ಆಗಮಿಸುತ್ತಿರುತ್ತಾರೆ. ಇಲ್ಲಿ ಶಿವನ ಜೊತೆಗೆ ಒಸೈ ಕೊಡುತ ನಾಯಗಿ ಎಂಬ ದೇವತೆಯನ್ನು ಸಹ ಪೂಜಿಸಲಾಗುತ್ತದೆ. ಇಲ್ಲಿನ ಸ್ಥಳ ಪುರಾಣದಂತೆ ಇಲ್ಲಿನ ದೇವತೆಯು ಎರಡು ಶುದ್ಧ ಚಿನ್ನದ ತಾಳಗಳನ್ನು ತನ್ನ ಭಕ್ತರೊಬ್ಬರಿಗೆ ನೀಡಿದಳಂತೆ. ಆ ತಾಳವು ಇಂದಿಗು ಸಹ ಸದ್ದು ಮಾಡದೆ ಹಾಗೆಯೇ ಇದೆಯಂತೆ.
ಭಕ್ತಾಧಿಗಳು ಇಲ್ಲಿಗೆ ಪೂಜೆ ಪುನಸ್ಕಾರಗಳನ್ನು ಸಲ್ಲಿಸುವುದರ ಜೊತೆಗೆ ತಮ್ಮ ಕಾಯಿಲೆಗಳಿಂದ ಗುಣಮುಖರಾಗುವ ಸಲುವಾಗಿ ಸಹ ಇಲ್ಲಿಗೆ ಆಗಮಿಸುತ್ತಾರೆ. ಏಕೆಂದರೆ ಈ ದೇವಾಲಯಕ್ಕೆ ಆಧುನಿಕ ವಿಙ್ಞಾನದಿಂದಲು ಗುಣಪಡಿಸಲಾಗದ ರೋಗಗಳನ್ನು ಗುಣಪಡಿಸುವ ಶಕ್ತಿಯಿದೆ ಎಂಬ ನಂಬಿಕೆ ಮನೆ ಮಾಡಿದೆ. ಈ ದೇವಾಲಯವು ಚಿದಂಬರಂನಿಂದ ಒಂದು ಕಿ.ಮೀ ದೂರದಲ್ಲಿ, ತಿರುಕೊಲಕ್ಕ ಎಂಬ ಸ್ಥಳದಲ್ಲಿ ನೆಲೆಗೊಂಡಿದೆ.
