ಹಾಜಿ ರಟ್ಟನ್ರವರ ಮಝಾರ್ ಬಟಿಂಡಾದಲ್ಲಿರುವ ಒಂದು ಪ್ರಸಿದ್ಧ ಧಾರ್ಮಿಕ ಕೇಂದ್ರವಾಗಿದೆ. ದಂತ ಕತೆಗಳ ಪ್ರಕಾರ ಬಾಬಾ ಹಾಜಿ ರಟ್ಟನ್ರವರು ರಾಜ ಭೋಜನ ರಾಯಭಾರಿಯಾಗಿ ಮೆಕ್ಕಾಗೆ ಭೇಟಿ ನೀಡಿದ್ದರು. ಆಮೇಲೆ ಭಾರತಕ್ಕೆ ಹಿಂತಿರುಗುವಾಗ ಇವರು ಬಟಿಂಡಾದಲ್ಲಿ ನೆಲೆನಿಂತು, ಧ್ಯಾನಸ್ತರಾಗಲು ಬಯಸಿದರು. ಈ ಮಝಾರಿಗೆ ಹೊಂದಿಕೊಂಡಂತೆ ಒಂದು ಗುರುದ್ವಾರವಿದೆ. ಇದು ಇಲ್ಲಿನ ಧಾರ್ಮಿಕ ಸಾಮರಸ್ಯವನ್ನು ಸಾರಿ ಹೇಳುತ್ತಿದೆ. ಈ ಸ್ಥಳದಲ್ಲಿರುವ ಶಾಂತ ಮತ್ತು ಪರಿಶುಭ್ರ ವಾತಾವರಣವು ಪ್ರವಾಸಿಗರನ್ನು ದೇಶದ ನಾನಾ ಮೂಲೆಗಳಿಂದ ಆಕರ್ಷಿಸುತ್ತಿದೆ.