ಬುಲ್ ಟೆಂಪಲ್ ಅಥವಾ ದೊಡ್ಡ ಬಸವನಗುಡಿಯು ದಕ್ಷಿಣ ಬೆಂಗಳೂರಿನ ಎನ್.ಆರ್.ಕಾಲೋನಿ, ಬಸವನಗುಡಿ ಪ್ರದೇಶದಲ್ಲಿದೆ. ಹಿಂದುಗಳ ಅರೆ ದೇವತೆಯಾದ ನಂದಿಯು ಇಲ್ಲಿಯ ಮುಖ್ಯ ದೇವರು. ಹಿಂದು ಪೌರಾಣಿಕತೆಯ ಪ್ರಕಾರ ನಂದಿಯು ಶಿವನ ವಾಹನನಾಗಿದ್ದು ಅವನ ಹತ್ತಿರದ ಭಕ್ತ. ದೇವಾಲಯದ ಈ  ಮುರ್ತಿಯು ಜಗತ್ತಿನಲ್ಲೇ ಅತ್ಯಂತ ಎತ್ತರವಾಗಿದ್ದು, 1537 ರಲ್ಲಿ ವಿಜಯನಗರದ ಸ್ಥಳೀಯ ಆಡಳಿತಗಾರನಾದ ಕೇಂಪೆಗೌಡರಿಂದ ನಿರ್ಮಿಸಲ್ಪಟ್ಟಿದೆ. 15 ಅಡಿ ಎತ್ತರ,20ಅಡಿ ಉದ್ದವಾದ ಈ ನಂದಿ ವಿಗ್ರಹವನ್ನು ಗ್ರಾನೈಟ್ ನ ಒಂದೇ ಕಲ್ಲಿನಲ್ಲಿ ಕೆತ್ತಲಾಗಿದೆ.ಬುಲ್ ಟೆಂಪಲ್ ಅನ್ನು ದ್ರಾವಿಡಿಯನ್ ಮಾದರಿಯಲ್ಲಿ ನಿರ್ಮಿಸಲಾಗಿದ್ದು, ಇದರ ಪಾದಗಳಿಂದಲೇ ವಿಶ್ವಭಾರತಿ ನದಿಯ ಉಗಮವಾಯಿತು ಎಂದು ನಂಬಲಾಗಿದೆ. ಒಂದು ದಂತಕಥೆಯ ಪ್ರಕಾರ, ಕಡಲೆ ಬೀಜ ಬೆಳೆದ ಭೂಮಿಯಲ್ಲಿ ಹೂಂಕರಿಸುತ್ತ ಓಡುತ್ತಿದ್ದ ಹೋರಿಯೊಂದನ್ನು ನಿಯಂತ್ರಿಸಲು ಇದನ್ನು ಕಟ್ಟಲಾಯಿತು. ಈ ಕಥೆಯ ಸ್ಮರಣಾರ್ಥವಾಗಿ ಇಂದಿಗೂ ಕೂಡ ಈ ದೇವಾಲಯದ ಹತ್ತಿರ ಕಡಲೆ ಕಾಯಿ ಬೆಳೆಯ ಉತ್ತಮ ಕಾಲವಾದ ನವೆಂಬರ,ಡಿಸೆಂಬರ ಮಧ್ಯದಲ್ಲಿ ಕಡಲೆಕಾಯಿ ಪರಿಷೆ ಅಥವಾ ಜಾತ್ರೆಯು ಜರುಗುತ್ತಲಿದ್ದು, ಈ ದೇವಾಲಯಕ್ಕೆ ಭೇಟಿ ನೀಡಲು ಒಳ್ಳೆಯ ಸಮಯವಾಗಿದೆ.ದೊಡ್ಡ ಗಣಪತಿ ದೇವಸ್ಥಾನವು ಬುಲ್ ಟೆಂಪಲ್ ಹತ್ತಿರದಲ್ಲಿದೆ. ಬಸವನಗುಡಿಯು ಯಾವಾಗಲೂ ಸಂದರ್ಶಕರಿಂದ ತುಂಬಿರುತ್ತದೆ. ಬೆಂಗಳೂರಿನಿಂದ ಬೇಕಾದಷ್ಟು ರಾಜ್ಯ ಸಾರಿಗೆ ಹಾಗು ಪ್ರವಾಸಿ ಸಾರಿಗೆ ಸೌಲಭ್ಯಗಳಿವೆ.