ಈ ಮಸೀದಿಯನ್ನು 1573ರಲ್ಲಿ ನಿರ್ಮಿಸಲಾಯಿತು. ಇದು ಮೊಘಲರ ಕಾಲದಲ್ಲಿ ಅಹಮದಾಬಾದ್‍ನಲ್ಲಿ ನಿರ್ಮಾಣಗೊಂಡ ಕೊನೆಯ ಮಸೀದಿಯೆಂಬ ಅಗ್ಗಳಿಕೆಗೆ ಪಾತ್ರವಾಗಿದೆ.

ಈ ಮಸೀದಿಯ ಕಿಟಕಿಯಲ್ಲಿರುವ ಕಲ್ಲಿನ ಜಾಲಂಧ್ರವು ವಿಶ್ವಖ್ಯಾತಿಯನ್ನು ಪಡೆದಿದೆ. ಏಕೆಂದರೆ ಇದು ಅಹಮದಾಬಾದ್ ನಗರದ ಚಿಹ್ನೆಯನ್ನು ತನ್ನಲ್ಲಿ ಒಳಗೊಂಡಿದೆ. ಇದರಲ್ಲಿನ ವಾಸ್ತು ಶಿಲ್ಪವು ತನ್ನ ಕಲಾ ಪ್ರೌಢಿಮೆಯಿಂದಾಗಿ ಈ ಮಸೀದಿಯನ್ನು ಸರಿಸಾಟಿಯಿಲ್ಲದ ಅದ್ಭುತ ಕಟ್ಟಡವನ್ನಾಗಿಸಿದೆ. ಇಲ್ಲಿ ತಂತಿಗಳಲ್ಲಿ ಮಾಡಿರುವ ಸೂಕ್ಷ್ಮ ಕುಸುರಿ ಕೆಲಸವು ಪ್ರವಾಸಿಗರ ಗಮನ ಸೆಳೆಯುತ್ತದೆ.

ನಗರದ ಜನನಿಬಿಡ ಸ್ಥಳದಲ್ಲಿ ನೆಲೆಗೊಂಡಿದ್ದರು, ನೋಡುಗರನ್ನು ಮಂತ್ರಮುಗ್ಧಗೊಳಿಸುವಂತಹ, ನೋಡುತ್ತಲೆ ತಮ್ಮನ್ನು ತಾವು ಮೈಮರೆಯುವಂತೆ ಮಾಡುವ ಎಲ್ಲಾ ಶಕ್ತಿಯು ಈ ಮಸೀದಿಗಿದೆ.