ಇದು ಟಿಪ್ಪುವಿನ ಶೌರ್ಯದ ಕೋಟೆ
ಹುಡುಕಿ
 
ಹುಡುಕಿ
 

ಜ್ವಾಲಾಮುಖಿ ದೇವಸ್ಥಾನ, ಕಂಗ್ರಾ

ನೋಡಬಹುದಾದ

ಜ್ವಾಲಾಜಿ ಎಂಬ ಹೆಸರಿನಿಂದ ಕರೆಯಲ್ಪಡುವ ಜ್ವಾಲಾಮುಖಿ ದೇವಸ್ಥಾನ ದಕ್ಷಿಣ ಕಂಗ್ರ ಕಣಿವೆಯಿಂದ 30 ಕಿಲೋ ಮೀಟರ್ ದೂರದಲ್ಲಿದೆ. ಧಗಧಗಿಸುವ ನಾಲಿಗೆಗಳನ್ನು ಹೊಂದಿರುವ ಜ್ವಾಲಾಮುಖಿ ದೇವತೆಗೆ ಈ ದೇವಸ್ಥಾನ ಅರ್ಪಿತವಾಗಿದೆ. ನೈಸರ್ಗಿಕ ಅನಿಲ ಹೊರಬರುವ ತಾಮ್ರದ ಕೊಳವೆಗಳು ಇಲ್ಲಿನ ಮತ್ತೊಂದು ಆಕರ್ಷಣೆ. ಇದೇ ಆವರಣದಲ್ಲಿ ಇನ್ನೂ 9 ಇದೇ ರೀತಿಯ ಬೆಂಕಿ ಕೊಳವೆಗಳಿದ್ದು ಇವುಗಳಿಗೆ ಹಿಂದೂ ದೇವತೆಗಳಾದ ಮಹಾಕಾಳಿ, ಅನ್ನಪೂರ್ಣ, ಚಂಡಿ, ಹಿಂಗ್ಲಜ್, ಬಿಂಧ್ಯಾ ಬಸನಿ, ಮಹಾ ಲಕ್ಷ್ಮಿ, ಸರಸ್ವತಿ, ಅಂಬಿಕಾ ಮತ್ತು ಅಂಜಿ ದೇವಿಯರ ಹೆಸರಿಡಲಾಗಿದೆ.

ಕಂಗ್ರಾ ಚಿತ್ರಗಳು, ಜ್ವಾಲಾಮುಖಿ ದೇವಾಲಯ - ಆವರಣ

ಜಾನಪದ ಕಥೆಗಳ ಪ್ರಕಾರ, ಇದು ವಿವಾಹಿತರನ್ನು ಸಂತುಷ್ಟಿಗೊಳಿಸುವ ಮತ್ತು ದೀರ್ಘಾಯುಷ್ಯ ನೀಡುವ ದೇವತೆಯಾದ ಸತಿಯ ನಾಲಿಗೆ ಬಿದ್ದ ಸ್ಥಳವಾಗಿದೆ. ಚಿಕ್ಕ ಚಿಕ್ಕ ಜ್ವಾಲೆಗಳ ರೂಪದಲ್ಲಿ ಇನ್ನೂ ಈ ದೇವಿಯು ವಾಸವಿದ್ದಾಳೆ ಎಂದು ನಂಬಲಾಗುತ್ತದೆ. ದೇವಸ್ಥಾನದಲ್ಲಿರುವ ಕಲ್ಲು ಬಂಡೆಗಳ ಬಿರುಕಿನಿಂದ ನೀಲಿ ಬಣ್ಣದ ಬೆಂಕಿ ಹೊರಬರುತ್ತದೆ. ಈ ಬೆಂಕಿಯ ನೈಜತೆಯನ್ನು ತಿಳಿಯಲು ಒಂದೊಮ್ಮೆ ಸ್ವತಃ ಮೊಘಲ್ ದೊರೆ ಇಲ್ಲಿಗೆ ಭೇಟಿ ನೀಡಿದ್ದನಂತೆ. ಈ ಅಚ್ಚರಿಯನ್ನು ಕಣ್ಣಾರೆ ಕಂಡ ತಕ್ಷಣ ಆತ ದೇವತೆಯ ಪರಮ ಭಕ್ತನಾಗಿ ದೇವಸ್ಥಾನದ ಆವರಣದಲ್ಲಿ ಜ್ವಾಲೆಗಳನ್ನು ಉಪಶಮನಗೊಳಿಸಲು ನೀರು ಚುಮುಕಿಸುವ ವ್ಯವಸ್ಥೆ ಮಾಡಿದ್ದಲ್ಲದೆ ಬಂಗಾರದ ಕೊಡೆಯನ್ನೂ ಸಹ ಕಾಣಿಕೆಯಾಗಿ ನೀಡುತ್ತಾನೆ.

Please Wait while comments are loading...