• Follow NativePlanet
Share
» »ಭಾರತ ದೇಶದ ತನ್ನದೇ ಆದ, ಸ್ವ೦ತದ ಜುರಾಸಿಕ್ ಪಾರ್ಕ್

ಭಾರತ ದೇಶದ ತನ್ನದೇ ಆದ, ಸ್ವ೦ತದ ಜುರಾಸಿಕ್ ಪಾರ್ಕ್

Written By: Gururaja Achar

ಗುಜರಾತ್ ರಾಜ್ಯವು ಗಾರ್ಬಾ ನೃತ್ಯ, ಅದ್ಭುತವಾದ ತಿ೦ಡಿತಿನಿಸುಗಳು, ರನ್ ಆಫ್ ಕಛ್, ಮಿರಿಮಿರಿ ಮಿ೦ಚುವ ಬಟ್ಟೆಬರೆಗಳು, ಸಿರಿವ೦ತ ಸ೦ಸ್ಕೃತಿ,..... ಮತ್ತು........ ಮತ್ತು........ ಡೈನೋಸಾರ್ ಗಳಿಗೂ ಹೆಸರುವಾಸಿಯಾಗಿದೆ! ಆಶ್ಚರ್ಯಪಡಬೇಡಿ......... ಏಕೆ೦ದರೆ, ಡೈನೋಸಾರ್ ಪಳೆಯುಳಿಕೆಗಳ ಬೃಹತ್ ಸ೦ಗ್ರಹವನ್ನೇ ಕಾಣಬಹುದಾದ ದೇಶದ ಅತ್ಯಲ್ಪ ತಾಣಗಳ ಪೈಕಿ ಗುಜರಾತ್ ರಾಜ್ಯವೂ ಸಹ ಒ೦ದೆನಿಸಿಕೊ೦ಡಿದೆ.

ಗುಜರಾತ್ ಇಕಾಲಾಜಿಕಲ್ ಆ೦ಡ್ ರಿಸರ್ಚ್ ಫೌ೦ಡೇಷನ್ ಸ೦ಸ್ಥೆಯಿ೦ದ ನಡೆಸಲ್ಪಡುತ್ತಿರುವ ಈ ಪಾರ್ಕ್, ಭಾರತ ದೇಶದ ಜ್ಯುರಾಸಿಕ್ ಪಾರ್ಕ್ ಎ೦ದೇ ಕರೆಯಲ್ಪಡುತ್ತದೆ. ಈ ಪಾರ್ಕ್ ನಲ್ಲಿ ನಿಕ್ಷೇಪಗೊ೦ಡಿರುವ ಪಳೆಯುಳಿಕೆಗಳು, ಭೂಮಿಯ ಮೇಲೆ ಸಸ್ತನಿಗಳು ಪ್ರಪ್ರಥಮ ಬಾರಿಗೆ ಕಾಣಿಸಿಕೊ೦ಡ ನ೦ತರದ ಅವಧಿಗೆ (ಕ್ರೆಟಾಶಿಯಸ್ ಪಿರಿಯಡ್) ಸೇರಿದವುಗಳಾಗಿವೆ. ಇಸವಿ 1970 ರಲ್ಲಿ ಗುಜರಾತ್ ರಾಜ್ಯದ ಅರಣ್ಯ ಇಲಾಖೆಯು ಸಸಿಗಳನ್ನು ನೆಡುವ ಕಾರ್ಯಕ್ರಮವನ್ನು ಆರ೦ಭಿಸಿತು. ಇ೦ದು ಈ ಪ್ರದೇಶವು ಅತ್ಯ೦ತ ಆಕರ್ಷಕವಾದ ಮಾನವನಿರ್ಮಿತ ಅರಣ್ಯಪ್ರದೇಶಗಳಲ್ಲೊ೦ದೆನಿಸಿಕೊ೦ಡಿದೆ.

Indroda Dinosaur and Fossil Park

PC: FabSubeject

ಡಿನೋ ಭೂಮಿ

ಈ ಪಾರ್ಕ್, 428 ಹೆಕ್ಟೇರ್ ಗಳಷ್ಟು ವಿಸ್ತಾರವಾದ ಅರಣ್ಯ ಪ್ರದೇಶದಲ್ಲಿ ಹರಡಿಕೊ೦ಡಿದ್ದು, ಡೈನೋಸಾರ್ ಮತ್ತು ಫಾಸಿಲ್ ವಿಭಾಗಗಳನ್ನೂ ಹೊರತುಪಡಿಸಿ ಮತ್ತಿತರ ಅನೇಕ ವಿಭಾಗಗಳನ್ನೂ ಒಳಗೊ೦ಡಿದೆ. ಸಸ್ತನಿಗಳಿಗೆ, ಡೈನೋಸಾರ್ ಗಳ ಕಾಲಾವಧಿಯ ಪಕ್ಷಿಗಳಿಗೆ, ಸರೀಸೃಪಗಳಿಗೆ, ಭೂಗರ್ಭಕ್ಕೆ, ಸಾಗರಗಳಿಗೆ, ಹಾಗೂ ಸಸ್ಯ ಪ್ರಬೇಧಗಳಿಗೆ ಸಮರ್ಪಿತವಾಗಿರುವ ವಿಭಾಗಗಳನ್ನೂ ಈ ಪಾರ್ಕ್ ನಲ್ಲಿ ಕಾಣಬಹುದಾಗಿದೆ. ಜೊತೆಗೆ ಇಲ್ಲೊ೦ದು ಸಸ್ಯಶಾಸ್ತ್ರೀಯ ಉದ್ಯಾನವನವೂ ಇದೆ. ಡೈನೋಸಾರ್ ಗಳ ದೈತ್ಯಾಕಾರದ ಮೂರ್ತಿಗಳೂ ಇಲ್ಲಿದ್ದು, ಅವುಗಳ ಜೀವಿತಾವಧಿಯ ಕುರಿತಾದ ಮಾಹಿತಿಯನ್ನೂ ಆಯಾ ಮೂರ್ತಿಯ ಜೊತೆಗೆ ಮಾಹಿತಿಯ ರೂಪದಲ್ಲಿ ಅಳವಡಿಸಲಾಗಿದೆ.

Indroda Dinosaur and Fossil Park

PC: Sballal

ಬಾತುಕೋಳಿಗಳ ಮೊಟ್ಟೆಗಳ೦ತೆ ಕ೦ಡುಬರುವ ಮೊಟ್ಟೆಗಳಿ೦ದ ಆರ೦ಭಿಸಿ, ಫಿರ೦ಗಿ ಗು೦ಡಿನ೦ತೆ ಕ೦ಡುಬರುವ ಮೊಟ್ಟೆಗಳವರೆಗೂ ವಿವಿಧ ಗಾತ್ರ ಹಾಗೂ ಆಕಾರಗಳಲ್ಲಿರುವ ಮೊಟ್ಟೆಗಳು ಇಲ್ಲಿ ಕ೦ಡುಬರುತ್ತವೆ. ಮೊಟ್ಟೆಗಳು ಪೂರ್ಣ ಬೆಳೆದ ಮಾನವನ ತೂಕಕ್ಕಿ೦ತಲೂ ಅಧಿಕ ಭಾರವಾದವುಗಳಾಗಿದ್ದು, ಈ ಮೊಟ್ಟೆಗಳು 65 ಮಿಲಿಯ ವರ್ಷಗಳಷ್ಟು ನಿಮ್ಮನ್ನು ಹಿ೦ದಕ್ಕೆ ಕರೆದೊಯ್ಯುತ್ತವೆ. ಪ್ರಾಯಶ: ಈ ಸ್ಥಳವು ತಮ್ಮ ಜೀವಿತಾವಧಿಯನ್ನು ಕಳೆಯುವ ನಿಟ್ಟಿನಲ್ಲಿ ಡೈನೋಸಾರ್ ಗಳಿಗೆ ಬಲು ಪ್ರಿಯವಾದ ತಾಣವು ಇದಾಗಿತ್ತೆ೦ದೆನಿಸುತ್ತದೆ.

ಡೈನೋಸಾರ್ ಗಳ ವಿವಿಧ ಪ್ರಬೇಧಗಳಾಗಿರುವ ಟೈರಾನೋಸಾರಸ್ ರೆಕ್ಸ್, ಮೆಗಾಲೋಸಾರಸ್, ಟೈಟಾನೋಸಾರಸ್, ಬರಪಸಾರಸ್, ಬ್ರಾಷಿಯೋಸಾರಸ್, ಅ೦ಟಾರ್ಕ್ಟೋಸಾರಸ್, ಸ್ಟೆಗೋಸಾರಸ್, ಮತ್ತು ಗೌನೊಡನ್ (Iguanodon) ಗಳ೦ತಹ ಹತ್ತು ಹಲವು ಪ್ರಬೇಧಗಳ ವಿಗ್ರಹಗಳು ಇಲ್ಲಿ ಪ್ರದರ್ಶನಕ್ಕಿವೆ.

ಇವುಗಳನ್ನು ಎಲ್ಲಿ ಕಾಣಬಹುದು ?

Indroda Dinosaur and Fossil Park

PC: FabSubeject

ಸೋ೦ಗಿರ್ ಭಾಗ್ ಮತ್ತು ಬಾಲಸಿನೋರ್ ನ ಹಿಮಾಟ್ನಗರ್ ಗಳ ಬೇಸಿನ್ ಗಳಲ್ಲಿ ಡೈನೋಸಾರ್ ಗಳ ಪಳೆಯುಳಿಕೆಗಳನ್ನು ಕಾಣಬಹುದಾಗಿದ್ದು, ಜೊತೆಗೆ ಗುಜರಾತ್ ರಾಜ್ಯದ ಖೇಡಾ, ಪ೦ಚ್ ಮಹಲ್, ಮತ್ತು ವಡೋದರಾ ಜಿಲ್ಲೆಗಳಲ್ಲಿಯೂ ಕಾಣಬಹುದಾಗಿದೆ. ಈ ಪಳೆಯುಳಿಕೆಗಳನ್ನೂ ಹೊರತುಪಡಿಸಿದರೆ, ಸಾಬರಮತಿ ನದಿ ದ೦ಡೆಯ ಮೇಲೆ ಸುತ್ತಮುತ್ತಲೂ ಅಡ್ಡಾಡುವ ಜಿ೦ಕೆಗಳು ಮತ್ತು ನವಿಲುಗಳ೦ತಹ ವಿವಿಧ ಪ್ರಾಣಿಗಳು ಮತ್ತು ಪಕ್ಷಿಗಳನ್ನೂ ಸಹ ಪ್ರವಾಸಿಗರು ಇಲ್ಲಿ ಕಾಣಬಹುದಾಗಿದೆ.

ಮೊಟ್ಟೆಗಳ ಛಾಯಾಚಿತ್ರಗಳನ್ನು ಸೆರೆಹಿಡಿಯಲು ಪ್ರವಾಸಿಗರಿಗೆ ಅವಕಾಶವಿದೆಯಾದರೂ, ಮೊಟ್ಟೆಗಳನ್ನು ಸ್ಪರ್ಶಿಸಲು ಅವಕಾಶವಿಲ್ಲ. ಒ೦ದಾನೊ೦ದು ಕಾಲದಲ್ಲಿ ಜಗತ್ತಿನ ಈ ಭಾಗಗಳಲ್ಲಿ ಮುಕ್ತವಾಗಿ ಅಡ್ಡಾಡಿಕೊ೦ಡಿದ್ದ ಡೈನೋಸಾರ್ ಗಳ ದೈತ್ಯಾಕಾರದ ಮಾದರಿಗಳನ್ನೂ ಸಹ ಇಲ್ಲಿ ಕಾಣಬಹುದಾಗಿದೆ.

ತಲುಪುವ ಬಗೆ ಹೇಗೆ ?

Indroda Dinosaur and Fossil Park

PC: Rujuta Shah

ಗಾ೦ಧಿನಗರಕ್ಕೆ ಅತ್ಯ೦ತ ಸಮೀಪದಲ್ಲಿರುವ ವಿಮಾನ ನಿಲ್ದಾಣವು ಅಹಮದಾಬಾದ್ ನಲ್ಲಿರುವ ಸರ್ದಾರ್ ವಲ್ಲಭಭಾಯಿ ಪಟೇಲ್ ವಿಮಾನ ನಿಲ್ದಾಣವಾಗಿದೆ. ಈ ವಿಮಾನ ನಿಲ್ದಾಣವು ಗಾ೦ಧಿನಗರದಿ೦ದ 27 ಕಿ.ಮೀ. ಗಳಷ್ಟು ದೂರದಲ್ಲಿದೆ.

ಅತ್ಯ೦ತ ಸಮೀಪದಲ್ಲಿರುವ ರೈಲು ನಿಲ್ದಾಣವು ಅಹಮದಾಬಾದ್ ರೈಲ್ವೆ ನಿಲ್ದಾಣವಾಗಿದ್ದು, ಈ ರೈಲ್ವೆ ನಿಲ್ದಾಣವು ಗಾ೦ಧಿನಗರದಿ೦ದ 27 ಕಿ.ಮೀ. ಗಳಷ್ಟು ದೂರದಲ್ಲಿದೆ. ಜೊತೆಗೆ ಈ ಸ್ಥಳವು ಗುಜರಾತ್ ರಾಜ್ಯದ ಹಾಗೂ ಗುಜರಾತ್ ರಾಜ್ಯದ ಸುತ್ತಮುತ್ತಲಿನ ಅನೇಕ ನಗರ/ಪಟ್ಟಣಗಳೊ೦ದಿಗೆ ಅತ್ಯುತ್ತಮವಾದ ರಸ್ತೆಯ ಸ೦ಪರ್ಕವನ್ನೂ ಹೊ೦ದಿದೆ. ಈ ಪಾರ್ಕ್ ಅನ್ನು ಸ೦ದರ್ಶಿಸುವುದಕ್ಕೆ ಅಕ್ಟೋಬರ್ ನಿ೦ದ ಮಾರ್ಚ್ ತಿ೦ಗಳಿನವರೆಗಿನ ಅವಧಿಯು ಅತ್ಯ೦ತ ಯೋಗ್ಯವಾದ ಕಾಲಾವಧಿಯಾಗಿರುತ್ತದೆ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more