Click it and Unblock the Notifications
ತೆಕ್ಕಾಡಿಯಿಂದ ಸುಮಾರು 18 ಕಿ.ಮೀ ದೂರದಲ್ಲಿರುವ ವಂದಿಪೆರಿಯಾರ್ ಸಣ್ಣ ಪಟ್ಟಣವಾದರೂ ಪೆರಿಯಾರ್ ನದಿಯ ಸಂಸ್ಕೃತಿ ಹಾಗೂ ಸಮೃದ್ಧಗೊಂಡ ಕೃಷಿ ಪ್ರವಾಸಿಗರನ್ನು ಸೆಳೆಯುವಲ್ಲಿ ಪಾತ್ರವಹಿಸುತ್ತದೆ. ಈ ಹಸಿರು ಹೊದಿಕೆಯ ಪ್ರದೇಶದ ಮೂಲಕ ಸಾಗುವಾಗ ಅತ್ಯುತ್ತಮ ಹಸಿರು, ಹಿತಕರವಾದ ಗಾಳಿ, ವಿಶಾಲವಾದ ಚಹಾ ತೋಟಗಳು ಮನಸ್ಸಿನಲ್ಲೊಂದು ಸುಂದರ ಭಾವವನ್ನುಂಟುಮಾಡುತ್ತದೆ. ಈ ಪಟ್ಟಣಕ್ಕೆ ಮಸಾಲೆ ಉತ್ಪನ್ನಗಳ ಪ್ರಮುಖ ವಾಣಿಜ್ಯ ಕೇಂದ್ರವಾಗಿ ಮನ್ನಣೆ ಸಿಕ್ಕಿದೆ. ಈ ಪ್ರದೇಶದಲ್ಲಿ ಸರ್ಕಾರ ನಿರ್ಮಿಸಿದ ಕೃಷಿ ಫಾರ್ಮಿನ ಹೂ ಗಾರ್ಡನ್, ಹೂವಿನ ಹಾಸಿಗೆಗಳ ರಮಣೀಯ ನೋಟವನ್ನು ನೀಡುತ್ತದೆ. ಪ್ರವಾಸಿಗರಿಗೆ ಮತ್ತು ಹನಿಮೂನ್ ಜೋಡಿಗಳಿಗೆ ವಸತಿ ಸೌಕರ್ಯಕ್ಕೆ ಉತ್ತಮ ರೆಸಾರ್ಟಗಳು ಹಾಗೂ ಬಜೆಟ್ ಹೋಮ್ ಸ್ಟೆಗಳು ಲಭ್ಯವಿದೆ.
