ಶೊಲೋನಿ ದೇವಿಗೆ ಸಮರ್ಪಿತವಾದ ಈ ದೇವಸ್ಥಾನವು ಹಿಮಾಚಲ ಪ್ರದೇಶದ ಸೋಲನ್ ಜಿಲ್ಲೆಯಲ್ಲಿದೆ. ಈ ಶೊಲೋನಿ ದೇವಿಯ ಹೆಸರಿನಿಂದಲೆ ಈ ಜಿಲ್ಲೆಗೆ ಸೋಲನ್ ಎಂಬ ಹೆಸರು ಬಂದಿದೆ.

ಈ ಪ್ರದೇಶದ ಪ್ರಾಕೃತಿಕ ಸೌಂದರ್ಯವು, ದೇವಸ್ಥಾನದಲ್ಲಿ ಉಕ್ಕುವ ಆಧ್ಯಾತ್ಮಿಕ ಭಾವನೆಗೆ ಪೂರಕವಾಗಿದ್ದು ಬಹು ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಪ್ರತಿವರ್ಷ ಅತಿ ವಿಜೃಂಭಣೆಯಿಂದ ಆಚರಿಸಲಾಗುವ ಇಲ್ಲಿನ ಪ್ರಸಿದ್ಧ ಶೊಲೋನಿ ದೇವಿ ಜಾತ್ರೆಯಲ್ಲಿ ಸಹಸ್ರಾರು ಮಂದಿ ಪಾಲ್ಗೊಳ್ಳುತ್ತಾರೆ. ಕುಸ್ತಿ ಸ್ಪರ್ಧೆ ಈ ಜಾತ್ರೆಯಲ್ಲಿನ ವಿಶೇಷ.