ಸಂತ ಜಿರೋಮ್ ಚರ್ಚ್ ರೈಸ್ ಮಾಗೊಸ್ ಕೋಟೆಯ ಕೆಳಭಾಗದಲ್ಲಿ ನೆಲೆಸಿರುವ ಚರ್ಚ್ ಆಗಿದೆ. ಈ ಕೋಟೆಯಲ್ಲಿ ಪ್ರತಿ ವರ್ಷ ಜನವರಿ 6 ರಂದು ಆಚರಿಸಲಾಗುವ 'ಫೆಸ್ಟಾ ಡೊಸ್ ರೈಸ್ ಮಾಗೊಸ್' ಎಂಬ ಉತ್ಸವದಿಂದ ಪ್ರಸಿದ್ಧವಾಗಿದೆ. 'ಫೆಸ್ಟಾ ಡೊಸ್ ರೈಸ್ ಮಾಗೊಸ್' ಪದವನ್ನು ಭಾಷಾಂತರಿಸಿದಾಗ ಮುರು ಜ್ಞಾನವುಳ್ಳ ಆತ್ಮಗಳ ಉತ್ಸವ ಎಂದು ಅರ್ಥ ಕೊಡುತ್ತದೆ. ಈ ಕೋಟೆಯ ಭೇಟಿಗೆ ಬೇಸಿಗೆ ಸಮಯವು ಸೂಕ್ತವಾಗಿರುತ್ತದೆ.
ರೈಸ್ ಮಾಗೊಸ್ ಕೋಟೆಯನ್ನು ಸುಲಭವಾಗಿ ತಲುಪಬಹುದಾಗಿದೆ. ಸಾಮಾನ್ಯವಾಗಿ ಪಣಜಿ, ವಾಸ್ಕೊ ಮತ್ತು ಮಾರ್ಗೊಗಳಿಂದ ಪ್ರವಾಸಗಳು ಲಭ್ಯವಿದ್ದು, ಈ ಕೋಟೆಯನ್ನು ಕೇವಲ ಒಂದು ಘಂಟೆಯೊಳಗೆ ತಲುಪಬಹುದು. ಪಣಜಿಯಿಂದ ಪ್ರಯಾಣ ಕಾಲಾವಧಿಯು ಇನ್ನೂ ಕಡಿಮೆಯಾಗಿರುತ್ತದೆ. ಉತ್ತರ ಗೋವಾದ ಕ್ಯಾಂಡೋಲಿಮ್, ಬಾಗಾ ಮತ್ತು ಕಲಂಗುಟ್ ನಲ್ಲಿರುವ ಪ್ರವಾಸಿಗರು ಬಾಡಿಗೆ ಕ್ಯಾಬ್ ಅಥವಾ ಸ್ವಂತ ವಾಹನಗಳ ಮುಖಾಂತರ ಇಲ್ಲಿಗೆ ತಲುಪುವುದು ಉತ್ತಮ.