Click it and Unblock the Notifications
ದರಿಯಾ ಬಹದುರ್ಗಡ್ ದ್ವೀಪವು, ಮಲ್ಪೆಯಲ್ಲಿನ ಒಂದು ಸುಪ್ರಸಿದ್ದ ದ್ವೀಪ . ಉಡುಪಿಯಲ್ಲಿರುವ ಮಲ್ಪೆ ತನ್ನ ಸರೋವರಗಳು ಹಾಗೂ ದ್ವೀಪಗಳಿಗೆ ಹೆಸರಾಗಿದೆ. ಪ್ರತೀ ವರ್ಷ ಸಾವಿರಕ್ಕೂ ಹೆಚ್ಚು ಪ್ರವಾಸಿಗರನ್ನು ಮಲ್ಪೆಯ ದ್ವೀಪಗಳು ಆಕರ್ಷಿಸುತ್ತಿವೆ. ದರಿಯಾ ಬಹದುರ್ಗಡ್ ಕೋಟೆ, ಈ ದ್ವೀಪದಲ್ಲಿದೆ . ಈ ದ್ವೀಪವು 250 ಗಜ ಉದ್ದ ಹಾಗೂ 1.6 ಕಿಮೀಗಳಷ್ಟು ಅಗಲವಿದೆ. ಚಿಕ್ಕದೆನಿಸಿದರೂ , ಬಂಡೆಗಳಿಂದ ಕೂಡಿದ ಈ ದ್ವೀಪವು ಅನೇಕ ಸುಂದರ ನಿಸರ್ಗ ದೃಶ್ಯಗಳನ್ನು ಹೊಂದಿದೆ.
ಬಹಳ ಹಳೆಯದಾದ ಹೆಂಚಿನ ಕಾರ್ಖಾನೆ ಹಾಗೂ ಕೆಲ ಪ್ರಸಿದ್ದ ದೇವಾಲಯಗಳೂ ದರಿಯಾ ಬಹದುರ್ಗಡ್ ಕೋಟೆಯ ಸಮೀಪದಲ್ಲೇ ಇವೆ. ಬಿದನೂರಿನ ಬಸವಪ್ಪ ನಾಯಕ್ ಈ ಕೋಟೆಯನ್ನು ಹಲವು ದಶಕಗಳ ಹಿಂದೆ ನಿರ್ಮಿಸಿದ್ದನು . ದರಿಯಾ ಬಹದುರ್ಗಡ್ ಕೋಟೆಯು ಮಲ್ಪೆ ಸರೋವರದಿಂದ ಪಶ್ಚಿಮಕ್ಕೆ ಕೆಲವೇ ಮೈಲಿಗಳಷ್ಟು ದೂರದಲ್ಲಿದೆ .
ನೀವು ಉಡುಪಿ ರೈಲ್ವೇ ನಿಲ್ದಾಣ ತಲುಪಿದರೆ ದರಿಯಾ ಬಹದುರ್ಗಡ್ ಕೋಟೆಯನ್ನು ತಲುಪಲು ಹೆಚ್ಚು ಸಮಯ ಬೇಕಿರುವುದಿಲ್ಲ. ಅದು ಕೇವಲ 8 ಕಿಮೀ ಗಳಷ್ಟು ದೂರದಲ್ಲಿದೆ . ಮಲ್ಪೆ ಪಟ್ಟಣದಿಂದ ದರಿಯಾ ಬಹದುರ್ಗಡ್ ಕಡೆಗೆ ಹಲವು ದೋಣಿ ಸೇವೆಗಳು ಲಭ್ಯವಿದ್ದು ಅದಕ್ಕೆ ತಾಗುವ ಪ್ರಯಾಣದರ ಕೂಡ ಕೈಗೆಟುಕುವಂತಹುದು. ಉಡುಪಿ ಮತ್ತು ಮಲ್ಪೆಯ ಮಧ್ಯೆ ಉತ್ತಮ ರಸ್ತೆ ಸಂಚಾರವೂ ಉಂಟು.
