ಈಶಾನ್ಯ ಭಾರತದ ವನ್ಯಜೀವಿಗಳನ್ನು ನೋಡಲು ಈ ಅರಣ್ಯಧಾಮ ಸೂಕ್ತ ಪ್ರದೇಶ. ಇದು ಮಿಜೋರಂನ ರಾಜಧಾನಿ ಐಜ್ವಾಲ್ನಿಂದ 170 ಕಿಮೀ ದೂರದಲ್ಲಿದೆ. ಈ ಅರಣ್ಯಧಾಮವು ಹಸಿರು ಬೆಟ್ಟಗಳು ಹಾಗೂ ಕಣಿವೆಗಳಿಂದ ಆವೃತವಾಗಿದೆ. ಇದು 1300 ಅಡಿ ಎತ್ತರದಲ್ಲಿದ್ದು 35 ಚದುರ ಕಿಮೀಗಳಷ್ಟು ವಿಸ್ತಾರವಾಗಿದೆ. ಈ ಅರಣ್ಯಧಾಮವು ಹಲವು ಬಗೆಯ ವನ್ಯಜೀವಿಗಳಿಗೆ ತವರುಮನೆಯಾಗಿದೆ. ಇಲ್ಲಿ ಸಿರೋ, ಬಾರ್ಕಿಂಗ್ ಡೀರ್, ಕಾಡು ಹಂದಿ, ಗಿಬ್ಬನ್, ಸಾಂಬಾ ಜಿಂಕೆ, ಹೂಲಾಕ್ ಮತ್ತು ಚಿರತೆಗಳನ್ನು ಕಾಣಬಹುದು. ಈ ಅರಣ್ಯಧಾಮವು ಪ್ರಕೃತಿ ಪ್ರಿಯರಿಗೆ ಪ್ರಾಕೃತಿಕ ಸೌಂದರ್ಯದ ರುಚಿಯನ್ನು ಉಣಬಡಿಸುತ್ತದೆ.
ಇಲ್ಲಿ ಕೆಲವು ದಿನ ಉಳಿಯ ಬಯಸುವ ಪ್ರವಾಸಿಗರಿಗೆ ಲುಂಗ್ಲೈನ ಅಲ್ಬಸ್ತಾ ಹೋಟೆಲ್ ಉತ್ತಮ ಆಯ್ಕೆ. ಕಾವ್ನಗ್ಲುಂಗ್ ಅರಣ್ಯಧಾಮಕ್ಕೆ ತಲುಪುವ ಉತ್ತಮ ಮಾರ್ಗವೆಂದರೆ ಐಜ್ವಾಲ್ನಿಂದ ಇಲ್ಲಿಗೆ ಪ್ರವಾಸಿವಾಹನವನ್ನು ಬಾಡಿಗೆಗೆ ತೆಗೆದುಕೊಂಡು ಬರುವುದು.