ತಿರುವನಂತಪುರಂ ಜಿಲ್ಲೆಯಲ್ಲಿಯೇ ಬರುವ ಅರುವಿಕ್ಕರ ಹಳ್ಳಿ ಅತ್ಯಂತ ಪ್ರಸಿದ್ಧವಾಗಿದೆ. ತಿರುವನಂತಪುರಂ ನಿಂದ 15 ಕೀ.ಮಿ ದೂರದಲ್ಲಿ ಅರುವಿಕ್ಕರ ಹಳ್ಳಿ ಇದೆ. ಇಲ್ಲಿ ಕರಮನಾ ನದಿಯು ಈ ಹಳ್ಳಿಯ ಮೂಲಕ ಹರಿದು ಹೋಗುತ್ತದೆ. ಈ ಹಳ್ಳಿಯು ಜಲಾಶಯ ಹಾಗೂ ಉದ್ಯಾನಕ್ಕೆ ಹೆಸರುವಾಸಿಯಾಗಿದೆ. ಇಲ್ಲಿನ ಸ್ಥಳೀಯರು ಮಾತ್ರವಲ್ಲದೆ ಪ್ರವಾಸಿಗರೂ ಕೂಡಾ ತಮ್ಮ ಪ್ರೀತಿ ಪಾತ್ರರೊಂದಿಗೆ ತಮ್ಮ ಅಮೂಲ್ಯವಾದ ಸಮಯವನ್ನು ಕಳೆಯಲು ಹಳ್ಳಿಗೆ ಬರುತ್ತಾರೆ.
ದೇವತೆ ದುರ್ಗಾ ಮಾತೆಯ ಭಕ್ತರು ಈ ಹಳ್ಳಿಯಲ್ಲಿರುವ ’ಭಗವತಿ’ ದೇವಾಲಯಕ್ಕೆ ಅಪಾರ ಸಂಖ್ಯೆಯಲ್ಲಿ ಕಿಕ್ಕಿರಿದು ಬರುತ್ತಾರೆ.
ಸುಂದರವಾಗಿ ನಿರ್ಮಾಣಗೊಂಡಿರುವ ಚಿಕ್ಕದಾದ ಒಂದು ಪ್ರವೇಶ ದ್ವಾರದ ಮೂಲಕ ಹಳ್ಳಿಗೆ ಪ್ರವೇಶಿಸುವುದೇ ನಯನಮನೋಹರ. ಈ ದೇವಾಲಯವು ಒಂದು ಮಾಂತ್ರಿಕ ಶಕ್ತಿಯನ್ನು ಹೊಂದಿದ್ದು, ಬಕ್ತಾಧಿಗಳು ಪ್ರಾರ್ಥಿಸಿದ್ದನ್ನು ತಾಯಿ ಈಡೇರಿಸುತ್ತಾಳೆ ಎಂಬ ನಂಬಿಕೆಯಿದೆ.
ಈ ಹಳ್ಳಿಯಲ್ಲಿ ಚಿಕ್ಕದಾದ ಒಂದು ಅಣೆಕಟ್ಟನ್ನು ನಿರ್ಮಿಸಲಾಗಿದ್ದು ಅದನ್ನು ಅರುವಿಕರ ಎಂದು ಕರೆಯಲಾಗುತ್ತದೆ.ತಿರುವನಂತಪುರಂ ಹಾಗೂ ಇದರ ಸುತ್ತಮುತ್ತಲಿನ ಸಣ್ಣ ಸಣ್ಣ ಪ್ರದೇಶಗಳಿಗೆ ದಿನವೂ ನೀರನ್ನು ಒದಗಿಸುವುದಕ್ಕಾಗಿ ಈ ಅಣೆಕಟ್ಟನ್ನು ಕಟ್ಟಲಾಗಿದೆ.
ನಗರದಲ್ಲಿನ ಸಾಮಾನ್ಯ ಬವಣೆಯಾದ ಶಬ್ದ, ಗದ್ದಲವನ್ನು ಇಷ್ಟಪಡದವರು ತಮ್ಮ ಪ್ರವಾಸದ ಸಮಯದ ಸ್ವಲ್ಪ ಹೊತ್ತನ್ನಾದರೂ ಈ ಹಳ್ಳಿಗೆ ಭೇಟಿಕೊಡುವುದಕ್ಕಾಗಿ ಮೀಸಲಿಡಬೇಕು. ಮನಸ್ಸಿಗೆ ಸಾಕಷ್ಟು ನೆಮ್ಮದಿಯನ್ನು ನೀಡುವ ಇಂತಹ ಹಳ್ಳಿಗಳು ಇತ್ತೀಚಿಗೆ ಆಧುನಿಕರಣದಿಂದಾಗಿ ಅಪರೂಪವೆನ್ನಿಸಿ ಬಿಟ್ಟಿವೆ.