ದಕ್ಷಿಣ ಭಾರತದ ತಮಿಳುನಾಡಿನ ಚಿದಂಬರಂ ಜಿಲ್ಲೆಯ ಒಂದು ಸಣ್ಣ ಸುಂದರ ಪ್ರದೇಶ ಕೀಳ್ಪೆರುಂಪಳ್ಳಂ. ಇದು ಕೀಳ್ಪೆರುಂಪಳ್ಳಂ(ಕೇತು) ಎಂಬ ದೇವಸ್ಥಾನದಿಂದ ಪ್ರಸಿದ್ಧವಾಗಿದೆ.
ಈ ಹಳ್ಳಿಯು ಭಾರತದ ಸಂಸ್ಕೃತಿಯನ್ನು ನೋಡಲು ಬಯಸುವ ವಿದೇಶಿ ಪ್ರವಾಸಿಗರ ನಡುವೆ ಪ್ರಸಿದ್ಧಿ ಪಡೆದಿದೆ. ಪ್ರವಾಸಿಗರು ಈ ಹಳ್ಳಿಯಲ್ಲಿ ದೀರ್ಘಕಾಲದವರೆಗೆ ನೆಲೆಸಿ ಇಲ್ಲಿನ ಹಳ್ಳಿಗರ ಜೀವನದ ದೈನಂದಿನ ಕಾರ್ಯಶೈಲಿ, ಹಾಲು ಕರೆಯುವುದು, ವ್ಯವಸಾಯ ಮುಂತಾದವುಗಳನ್ನು ಹತ್ತಿರದಿಂದ ವೀಕ್ಷಿಸುತ್ತಾ ಅವುಗಳಲ್ಲಿ ಪಾಲ್ಗೊಳ್ಳಲು ಇಷ್ಟಪಡುತ್ತಾರೆ.
ಕೀಳ್ಪೆರುಪಳ್ಳಂನ ಸುತ್ತಮುತ್ತಲ ಪ್ರವಾಸಿ ಸ್ಥಳಗಳು
ಈ ಹಳ್ಳಿಯ ಮುಖ್ಯ ಆಕರ್ಷಣೆ ಕೇತುವಿನ ದೇವಸ್ಥಾನ. ಜನ ತಮ್ಮ ಮೇಲುಂಟಾದ ಕೇತುವಿನ ಪ್ರಭಾವದಿಂದ ಮುಕ್ತಗೊಳ್ಳಲು ಈ ದೇವಾಲಯದಲ್ಲಿ ಪೂಜೆ ಸಲ್ಲಿಸುತ್ತಾರೆ.
ಇಲ್ಲಿನ ಮತ್ತೊಂದು ಆಕರ್ಷಣೆಯೆಂದರೆ ಈ ಹಳ್ಳಿಯ ಸಮೀಪದಲ್ಲಿರುವ ಪೂಂಪುಗಾರ್ ಸಮುದ್ರ ತೀರ. ಇದು ಸ್ಥಳೀಯರಿಗೆ ಪ್ರವಾಸಿಗರಿಗೆ ಅತ್ಯಂತ ಪ್ರಿಯವಾದ ಪ್ರವಾಸ ತಾಣ.
ಕೀಳ್ಪೆರುಪಳ್ಳಂನ ಸುತ್ತಮುತ್ತಲಿರುವ ನವಗ್ರಹ ದೇವಸ್ಥಾನಗಳು
9 ನವಗ್ರಹ ದೇವಸ್ಥಾನಗಳಲ್ಲಿ ಕೀಳ್ಪೆರುಪಂಳ್ಳಂ ದೇವಸ್ಥಾನ ಕೂಡ ಒಂದು. ಉಳಿದ 8 ದೇವಸ್ಥಾನಗಳು ಈ ಹಳ್ಳಿಯ ಸನಿಹದಲ್ಲಿವೆ. ತಿರುನಲ್ಲೂರು(ಶನಿ), ಕಂಜನೂರು(ಶುಕ್ರ), ಸೂರ್ಯನಾರ್ ಕೊಯಿಲ್ (ಸೂರ್ಯ), ತಿರುವೆಂಕಾಡು (ಬುಧ), ತಿಂಗಳೂರ್(ಚಂದ್ರ), ಅಲಂಗುಡಿ (ಗುರು), ವೈದೇಶ್ವರನ್ ಕೊಯಿಲ್ (ಕುಜ), ತಿರುನಾಗೇಶ್ವರಂ(ರಾಹು). ಈ ಹಳ್ಳಿಯಿಂದ ಇಲ್ಲಿಗೆ ಸುಲಭವಾಗಿ ತಲುಪಬಹುದು.
ತಲುಪುವುದು ಹೇಗೆ ಮತ್ತು ಹವಾಮಾನ
ಕೀಳ್ಪೆರುಪಂಳ್ಳಂನ ಸನಿಹದಲ್ಲಿ ಯಾವುದೇ ವಿಮಾನ ನಿಲ್ದಾಣ ಅಥವ ರೈಲು ನಿಲ್ದಾಣಗಳಿಲ್ಲ. ಆದರೆ ಸರ್ಕಾರವು ಉತ್ತಮ ರಸ್ತೆಗಳನ್ನು ನಿರ್ಮಿಸಿದ್ದು ಈ ಹಳ್ಳಿಯನ್ನು ರಸ್ತೆ ಮಾರ್ಗವಾಗಿ ಸುಲಭವಾಗಿ ತಲುಪಬಹುದಾಗಿದೆ. ರಾಜ್ಯ ಸರ್ಕಾರವು ಇಲ್ಲಿಗೆ ಬಸ್ ಸೌರ್ಕರ್ಯವನ್ನು ಕಲ್ಪಿಸಿದೆ. ಆದರೆ ಇಲ್ಲಗೆ ಡಿಲಕ್ಸ್ ಅಥವ ಎಸಿ ಬಸ್ಸುಗಳ ಸೌಕರ್ಯವಿಲ್ಲ. ಪ್ರವಾಸಿಗರು ಇಲ್ಲಿಗೆ ಸಾಮಾನ್ಯವಾಗಿ ಚಳಿಗಾಲದಲ್ಲಿ ಬರುತ್ತಾರೆ. ಏಕೆಂದರೆ ಈ ಸಮಯದಲ್ಲಿ ಇಲ್ಲಿ ಉಷ್ಣತೆಯು ಕಡಿಮೆಯಿದ್ದು ವಾತಾವರಣವು ಆಹ್ಲಾದಕರವಾಗಿರುತ್ತದೆ.