Click it and Unblock the Notifications
ಗುರುದ್ವಾರ ಬೇರ್ ಸಾಹೀಬ್ ಸಿಖ್ಖರಿಗೆ ಪ್ರಸಿದ್ದ ಧಾರ್ಮಿಕ ಕೇಂದ್ರ. ಸುಲ್ತಾನಪುರ್ ಲೋಧಿಯಲ್ಲಿದೆ. ಮೊದಲ ಸಿಖ್ ಗುರು ಗುರುನಾನಕ್ ದೇವಜಿ ಇಲ್ಲಿ ತಮ್ಮ ಬದುಕಿನ 14 ವರ್ಷಗಳನ್ನು ಕಳೆದರೆಂದು ನಂಬಲಾಗುತ್ತದೆ. ಜೊತೆಗೆ ಇದೇ ಸ್ಥಳದಲ್ಲಿ ಗುರು ನಾನಕರು ಬೇರ್ ಎಂದು ಕರೆಯಲ್ಪಡುವಲ್ಲಿ ಸ್ನಾನ ಮಾಡುತ್ತಿದ್ದಾಗ ಜ್ನಾನೋದಯವೂ ಆಯಿತೆಂದು ಪ್ರತೀತಿಯಿದೆ. ಸಿಖ್ ಗುರು ಬೇರ್ ಮರವನ್ನು ಇಲ್ಲಿ ನೆಟ್ಟ ನಂತರ ಈ ಸ್ಥಳಕ್ಕೆ ಈ ಹೆಸರು ಬಂತು. ಪ್ರಸ್ತುತ ರಚನೆಯನ್ನು ಮಹಾರಾಜ ಜಗತ್ ಜಿತ್ ಸಿಂಗ್ ಕಟ್ಟಿಸಿದ್ದು ವಿವಿಧ ಕೋನಗಳಿಂದ ಕೂಡಿದೆ. ಮಾಳಿಗೆಯ ರಚನೆಗಳು ಹಲವು ಬಗೆಗಗಳಿಂದ ಕೂಡಿದೆ. ಗುರು ನಾನಕ್ ದೇವಜಿಯವರ ಜಯಂತಿಯನ್ನು ಇಲ್ಲಿ ಪ್ರತಿವರ್ಷ ಹಬ್ಬದ ರೀತಿ ಆಚರಸಿಲಾಗುತ್ತದೆ.
