ಹೊಸಗದ್ದೆಯ ಸಮೀಪದಲ್ಲೇ ಸಿಗುವ ದಬ್ಬೆ ಜಲಪಾತಕ್ಕೆ ಪ್ರವಾಸಿಗರು ಭೇಟಿ ನೀಡಬಹುದು. ಕಾಡಿನಲ್ಲಿ ಇರುವ ದಬ್ಬೆ ಜಲಪಾತವು ಜೋಗ ಜಲಪಾತದಿಂದ ಹೊರಡುವ ಪ್ರವಾಸಿಗರು ನೋಡಿದರೇನೆ ಒಳ್ಳೆಯದು. ಈ ಜಲಪಾತವು ಬೆಟ್ಟಗುಡ್ಡಗಳ ಮಧ್ಯದಲ್ಲಿದ್ದು ಪ್ರಕೃತಿಯ ನಿರ್ಮಲವಾದ ಸೌಂದರ್ಯದಿಂದ ಸುತ್ತುವರೆದಿದೆ. ಈ ದಬ್ಬೆ ಜಲಪಾತವನ್ನು ನೋಡಿದವರು ಅದೃಷ್ಟವಂತರೆಂದೇ ಕರೆಸಿಕೊಳ್ಳುತ್ತಾರೆ ಎನ್ನುವುದು ಈ ಜಲಪಾತದ ವಿಶೇಷ. ಕಾಡಿನ ಮಧ್ಯೆ ಸಣ್ಣ ಕಣಿವೆಗೆ ರಭಸದಿಂದ ಧುಮ್ಮಿಕ್ಕುವ ನೀರಿನ ಈ ಸುಂದರ ನೃತ್ಯದ ದೃಶ್ಯವನ್ನು ಕಂಡರೆ ಪ್ರವಾಸಿಗರಿಗೆ ಬೆರಗಾಗುವುದು ಗ್ಯಾರಂಟಿ.