ಝೊಂಗು ಉತ್ತರ ಸಿಕ್ಕಿಂನಲ್ಲಿದೆ. ಸಿಕ್ಕಿಂನ ಮೂಲನಿವಾಸಿಗಳಾದ ಲೆಪ್ಚಾಗಳ ಪ್ರದೇಶವಿದು. ಇದು ಪ್ರಾಕೃತಿಕ ಸೌಂದರ್ಯದ ತವರಾದ ಗ್ಯಾಂಗ್ಟಾಕ್ನಿಂದ 70 ಕಿಮೀ ದೂರದಲ್ಲಿದೆ. ಇಲ್ಲಿ ಅನೇಕ ವಿಧದ ಸಸ್ಯಸಿರಿಯನ್ನು ಮತ್ತು ಜೀವ ವೈವಿಧ್ಯವನ್ನು ಕಾಣಬಹುದಾಗಿದೆ.

ಝೊಂಗುವಿಗೆ ಹೋದಾಗ ಅಲ್ಲಿನ ಜನರೊಂದಿಗೆ ಸಮಯ ಕಳೆಯಿರಿ.

ಲೆಪ್ಚಾಗಳು ಝೊಂಗು ಪ್ರದೇಶದ ವಿಶೇಷತೆ. ಈ ಸಮುದಾಯದ ಮಂದಿ ಏಕಾಂತದಲ್ಲಿ ಇರುವುದನ್ನು ಇಷ್ಟಪಡುತ್ತಾರೆ. ಆದ್ದರಿಂದಲೇ ಹೊರಗಿನ ಪ್ರಪಂಚದಿಂದ ದೂರ ಉಳಿದಿದ್ದಾರೆ. ಇಲ್ಲಿ ನೀವು ಹೋಂಸ್ಟೇ ಮಾಡಿದರೆ ಇವರೊಂದಿಗೆ ಕಾಲ ಕಳೆಯಬಹುದು. ಇದರಿಂದ ಲೆಪ್ಚಾಗಳ ಜೀವನ ಶೈಲಿ, ಸಂಪ್ರದಾಯ ಮತ್ತು ಸಂಸ್ಕೃತಿಯ ಪರಿಚಯವಾಗುತ್ತದೆ. ಇಲ್ಲಿಗೆ ಭೇಟಿ ನೀಡಿದಾಗ ಲೆಪ್ಚಾಗಳ ಸಾಂಪ್ರದಾಯಿಕ ಪಾನೀಯದ ರುಚಿ ನೋಡಲು ಮರೆಯದಿರಿ.

ಭೂಪ್ರದೇಶ

ಝೊಂಗು ಸಮುದ್ರ ಮಟ್ಟದಿಂದ 3000-20,000 ಅಡಿ ಎತ್ತರದಲ್ಲಿದೆ. ಕಂಚನಜುಂಗಾ ಇದರ ಪಕ್ಕದಲ್ಲಿದ್ದು ಈ ಪ್ರದೇಶದಿಂದ ಕಂಚನಜುಂಗಾದ ಕೆಲವು ರಮಣೀಯ ನೋಟಗಳನ್ನು ನೋಡಬಹುದು.

ನೋಡಬೇಕಾದ ಪ್ರೇಕ್ಷಣೀಯ ಸ್ಥಳಗಳು

ನೀವು ಝೊಂಗಗಾಗೆ ಭೇಟಿ ನೀಡಿದಾಗ ಈ ಪ್ರದೇಶಗಳನ್ನು ತಪ್ಪದೇ ನೋಡಿ ಬನ್ನಿ: ಏಳು ಸೋದರಿಯರ ಜಲಪಾತ- ಹಳ್ಳಿಯ ಏಲಕ್ಕಿ ತೋಟಗಳ ನಡುವಿನ ದಾರಿಯಲ್ಲಿ ಸಾಗಿ ಎತ್ತರದಲ್ಲಿ ನಿಂತು ಈ ನಯನಮನೋಹರ ಜಲಪಾತವನ್ನು ನೋಡಿ. ಪಾಸಿಂಗ್ಡನ್ನ ಹತ್ತಿರ ಬಿದಿರಿನ ಸೇತುವೆಯ ಕೆಳಗೆ ಹರಿಯುತ್ತಿರುವ ತೀಸ್ತಾ ನದಿಯ ಹತ್ತಿರ ವಿಶ್ರಮಿಸಿಕೊಳ್ಳಿ. ಇಲ್ಲಿ ಲೆಪ್ಚಾಗಳು ಸ್ಥಳೀಯವಾಗಿ ಸಿಗುವ ಔಷದೀಯ ಗಿಡಮೂಲಿಕೆಗಳನ್ನು ಬಳಸಿ ಜನರಿಗೆ ಶುಶ್ರುಷೆ ಮಾಡುವುದನ್ನು ನೋಡಲು ಮರೆಯದಿರಿ. ಇವು ನಿಮ್ಮ ಸಿಕ್ಕಿಂ ಪ್ರವಾಸವನ್ನು ಸ್ಮರಣೀಯವಾಗಿಸುತ್ತದೆ.