ಶೇಷನಾಗ್ ಸರೋವರ ಪಹಲ್ಗಮ್ ನಿಂದ 27 ಕಿಲೋ ಮೀಟರ್ ದೂರದಲ್ಲಿದ್ದು, ಸಮುದ್ರ ಮಟ್ಟದಿಂದ 3658 ಮೀಟರ್ ಎತ್ತರದಲ್ಲಿ ನೆಲೆಸಿದೆ. ಇದು ಅಮರನಾಥದ ಪ್ರಮುಖ ಆಕರ್ಷಣೆಗಳಲ್ಲೊಂದು. ಹಿಂದೂ ಪುರಾಣಗಳ ಪ್ರಕಾರ, ಏಳು ಹೆಡೆಗಳ ಶೇಷನಾಗನಿಂದ ಇದಕ್ಕೆ ಈ ಹೆಸರು ಬಂದಿದೆ. ಇದಕ್ಕೆ ಪೂರಕವೆಂಬಂತೆ ಈ ಕೆರೆಯು ಏಳು ಪರ್ವತ ಶೃಂಗಗಳಿಂದ ಸುತ್ತುವರೆದಿದೆ. ಪಹಲ್ಗಮ್ ನಿಂದ ಶೇಷನಾಗ್ ಸರೋವರ ತಲುಪಲು ಎರಡು ದಿನಗಳ ನಿರಂತರ ಪ್ರಯಾಣ ಮಾಡಬೇಕು. ಚಳಿಗಾಲಪೂರ್ತಿ ಹಾಗು ಜೂನ್ ತಿಂಗಳವರೆಗೂ ಈ ಸರೋವರದ ನೀರು ಹಿಮದಿಂದ ಮರಗಟ್ಟಿರುತ್ತದೆ.
ಜನಪದ ಕಥೆಗಳ ಪ್ರಕಾರ, ಶೇಷನಾಗ ಸರೋವರದ ಬಳಿಯಲ್ಲಿ ಶಿವ ತನ್ನ ಕೊರಳಲ್ಲಿದ್ದ ನಾಗನನ್ನು ಬಿಟ್ಟು ಹೋಗುತ್ತಾನೆ. ಅಮರನಾಥ ಗುಹೆಗೆ ಹೋಗುವಾಗ ಲಕ್ಷಾಂತರ ಭಕ್ತರು ಈ ಸರೋವರಕ್ಕೂ ಭೇಟಿ ನೀಡುತ್ತಾರೆ. ಶಿಬಿರ ಹೂಡಲು ಇಚ್ಚಿಸುವ ಪ್ರವಾಸಿಗರಿಗೆ ಶೇಷನಾಗ್ ಸರೋವರ ತಕ್ಕ ಸ್ಥಳ.