Click it and Unblock the Notifications
ಪೆರಿಯಾರ್ ನದಿಯು ಅಲುವಾ ಪಟ್ಟಣದ ಮೂಲಕ 229 ಕಿ.ಮೀ ಉದ್ದ ಸತತವಾಗಿ ಹರಿಯುತ್ತದಲ್ಲದೆ ಕೇರಳದ ದೊಡ್ಡ ನದಿಗಳಲ್ಲಿ ಒಂದಾಗಿದೆ. ತಮಿಳುನಾಡು ಮತ್ತು ಕೇರಳದ ಮೂಲಕ ಹರಿಯುವ ಈ ನದಿಯ ದಂಡೆಯು ಹಲವಾರು ಕುಟುಂಬಗಳಿಗೆ ಆಶ್ರಯ ತಾಣವೂ ಆಗಿದೆ. ಈ ನದಿಯ ದಂಡೆಯ ಮೇಲಿರುವ ಪಾಮ್ ಮರಗಳು, ತೆಂಗಿನ ಮರಗಳು ಹಾಗು ದೇವಾಲಯಗಳು, ಮಸೀದಿಗಳು ಮತ್ತು ಚರ್ಚುಗಳು ಪ್ರವಾಸಿಗರಿಗೆ ಪ್ರಮುಖ ಆಕರ್ಷಣೆಯಾಗಿದೆ. ಈ ನದಿಯ ನೀರನ್ನು ಅವಲಂಬಿಸಿ ಅನೇಕ ಸಣ್ಣ ಪ್ರಮಾಣದ ಕೈಗಾರಿಕೆಗಳು ಕಾರ್ಯನಿರ್ವಹಿಸುತ್ತಿವೆ. ಈ ನದಿಯ ಉಪನದಿಗಳೆಂದರೆ, ಮುಥಿರಪುಳಾ, ಮುಲಯಾರ್, ಚೆರುಥೊನಿ, ಪೆರಿಂಜಂಕುಟ್ಟಿ ಹಾಗೂ ಎದ್ಮಾಲಾಗಳಾಗಿವೆ. ಪ್ರಶಾಂತವಾಗಿ ಹರಿಯುವ ನದಿಯ ಸೌಂದರ್ಯವು ಪ್ರಕೃತಿ ಪ್ರೇಮಿಗಳ ನೆಚ್ಚಿನ ತಾಣವಾಗಿದೆ.
